Hér fyrir neðan eru reglur og dagskrá fyrir fjórðu umferð Íslandsmótsins í Motocross sem haldin er á laugardaginn 13. ágúst á Sólbrekkubraut.
Kynnið ykkur vel allar reglurnar og dagskrána, svo að ekkert komi á óvart og allt renni smurt.
Framkvæmdarstjórn: VÍR / VÍK
Keppnisstjóri: Magnús Þór Sveinsson
Brautarstjóri: Guðni Þrastarson
Öryggisfulltrúi: Torfi Hjálmarsson
Tímavörður: Einar Smárason
Yfirflaggari: Kristján Geir Mathiesen
Ábyrgðarmaður: Elín Gylfadóttir og Ómar Jónsson
Dómnefnd: Hákon Ásgeirsson, Páll Jónsson, Guðbergur Guðbergsson.
Læknir: Mannaður sjúkrabíll.
1. Reglur og skyldur keppenda.
Keppnin er haldin samkvæmt reglugerð um akstursíþróttir og aksturskeppni.18. apríl 2000 Nr. 257
Keppt er eftir alþjóðlegum reglum FIM um Motocross. Rétt er að minna keppendur og aðra sem hlut eiga að máli að motocross reglur gilda fyrir þessa keppni og er þær að finna á www.motocross.is undir keppnisreglur / keppnisreglur motocross.
Að gefnu tilefni er rétt að benda keppendum á að öll aðstoð og bensínáfyllingar skulu fara fram á “Pittsvæði”. Ekki er leyfilegt að rétta keppanda hjálparhönd í braut nema að öryggi hans sé í hættu og skulu starfsmenn keppninnar sjá um það.
2. Dagskrá keppninnar.
Dagskrá er mun ítarlegri nú en áður og verður ekki breytt nema algjörlega ófyrirsjáanlegar aðstæður komi til. Keppendum ber að mæta á startsvæðið eftir tímatöflu og vera mættir í skoðun á réttum tíma.
| Dagskrá – Sólbrekka – 13.08.2005 | ||||
| Byrjar | Lengd | Öryggistími | ATH | |
| Mæting – Skoðun | 10:30 | 01:30:00 | ||
| Skoðun 85cc og kvennaflokkur | 10:30 | 20:00 | ||
| Skoðun 125cc flokkur | 10:50 | 20:00 | ||
| Skoðun meistaraflokkur | 11:10 | 50:00:00 | ||
| Skoðun lokið | 12:00 | |||
| Tímataka og upphitun 85cc og kvennaflokkur | 11:15 | 15:00 | 10:00 | |
| Tímataka og upphitun 125cc flokkur | 11:40 | 20:00 | 10:00 | |
| 85cc og kvennaflokkur á ráslínu | 12:00 | |||
| Moto 1 85cc og kvennaflokkur | 12:10 | 10:00 | 10:00 | + 2 hringir |
| 125cc á ráslínu | 12:20 | |||
| Moto 1 125cc flokkur | 12:30 | 10:00 | 10:00 | + 2 hringir |
| 85cc og kvennaflokkur á ráslínu | 12:40 | |||
| Moto 2 85cc og kvenna flokkur | 12:50 | 10:00 | 15:00 | + 2 hringir. 85cc og kvenna flokkar skilar leigusendum og meistaraflokkur fær þá þar sem við á. |
| Tímataka og upphitun meistaraflokkur – Hópur 1 | 13:15 | 20:00 | 10:00 | |
| Tímataka og upphitun meistaraflokkur – Hópur 2 | 13:45 | 20:00 | 10:00 | |
| 125cc á ráslínu | 14:05 | |||
| Moto 2 125cc flokkur | 14:15 | 10:00 | 10:00 | + 2 hringir. Verða rúmar 60 mín á milli moto 1 og 2. |
| Meistaraflokkur A riðill á ráslínu | 14:25 | |||
| Moto 1 meistaraflokkur A riðill | 14:35 | 15:00 | 10:00 | + 2 hringir. Verða minnst 20 mín á milli tímatöku og moto í A riðli. |
| Meistaraflokkur B riðill á ráslínu | 14:50 | |||
| Moto 1 meistaraflokkur B riðill | 15:00 | 15:00 | 10:00 | + 2 hringir |
| 125cc á ráslínu | 15:15 | |||
| Moto 3 125cc flokkur | 15:25 | 10:00 | 10:00 | + 2 hringir |
| Meistaraflokkur A riðill á ráslínu | 15:35 | |||
| Moto 2 meistaraflokkur A riðill | 15:45 | 15:00 | 10:00 | + 2 hringir |
| Meistaraflokkur B riðill á ráslínu | 16:00 | |||
| Moto 2 meistaraflokkur B riðill | 16:10 | 15:00 | 10:00 | + 2 hringir |
| Meistaraflokkur A riðill á ráslínu | 16:25 | |||
| Moto 3 meistaraflokkur A riðill | 16:35 | 15:00 | 10:00 | + 2 hringir |
| Verðlaunaafhending | 17:00 | – | ||
3. Skoðun hjóla.
Keppendum ber að mæta til skoðunar á tilsettum tíma. Hjól sem keppa í 85cc flokki og kvennaflokki verða skoðuð fyrst, því næst 125cc flokkur og síðast meistaraflokkur. Keppendum ber að hafa með sér hjálma sína í skoðun.
4. Tímataka.
Tímataka er með hefðbundnu sniði nema hvað keppendum í meistaraflokk verður skipt í tvo hópa. Raðað verður í hópana af handahófi og það eru bestu tímar úr báðum hópum sem verða lagðir til grundvallar fyrir rásröð. Bestu 24 tímarnir í brautinni bæði í gilda því inn í A – riðil. Óski ökumenn sérstaklega eftir því að fá að vera færðir úr A riðli niður í B riðil er það mögulegt en við minnum á að einungis fyrstu 20 sæti í A riðli gefa stig til Íslandsmeistara. Athugið einnig að ekki er nauðsynlegt að aka í brautinni allan tíman sem tímatökur fara fram.
5. Start, tími mótóa, tímataka, birting úrslita og kærufrestur.
Keppendum ber að mæta á ráslínu samkvæmt dagskrá. Ræst verður á hefðbundinn hátt og mun verða notast við teygju.
85 cc og kvennaflokkur ekur í 2 x 10 mín + 2 hringir.
125cc flokkur ekur í 3 x 10 mín + 2 hringir.
Meistaraflokkur A ekur í 3 x 15 mín + 2 hringir.
Meistaraflokkur B ekur í 2 x 15 mín + 2 hringir.
Keppendum ber að verða sér úti um tímatökusenda og hafa þá fullhlaðna á hjóli við skoðun. Þar verða þeir prófaðir með þar til gerðu tæki. Úrslit úr tímatökum og hverri umferð verða hengd upp á bíl tímavarðar jafnóðum og þau eru tilbúin.
Kærufrestur er samkvæmt keppnisreglum.
6. Skyldur keppenda
Allir undir 18 ára aldri þurfa að koma með skriflegt leyfi frá foreldri
Keppendum er skylt að mæta í skoðun á réttum tíma og fara eftir fyrirmælum keppnisstjórnar. Aðstoðarmenn eru á ábyrgð keppanda og ber þeim að ganga um keppnissvæðið vel og skilja ekki eftir rusl. Keppnislið / aðstoðarmenn sem sýna ekki keppnisstjórn og starfsmönnum keppninnar háttvísi eiga á hættu refsingu sem keppandi tekur út. Gáleysislegur akstur og eða hraðakstur á viðgerðasvæði getur einnig varðað refsingu. Keppandi sem unnið hefur til verðlauna og mætir ekki á verðlaunaafhendingu missir sæti sitt og næsti keppandi færist upp.