Stóra motocrossbrautin í Bolaöldu er lokuð í dag v / viðhalds.
Við erum enn að grípa miðalausa ökumenn í brautinni – hér á eftir eru helstu afsakanir sem menn hafa á takteinum –  þær duga bara ekki..!

Munið gullnu regluna:  Ef miðinn er ekki á hjólinu – þá er hann ekki til..!!

1. MIÐINN ER UPPÍ BÍL…ég sæki hann ( viðkomandi kemur ekki aftur)
Enginn miði á hjólin = ógreiddur…  Við getum ekki verið að eltast við fólk útum allt bílaplan.
  
2. MIÐINN ER UPPÍ BÍLL…..Ekki trufla mig ég er að reisa…!
Öllum er skylt að stoppa fyrir brautarstarfsmanni hvenær sem er.

3. …Ó fyrirgefðu…!   Hvar kaupir maður miða.?
Common!!  Það stendur á risa skilti við brautina

4. Ég ætla að kaupa árskort þegar þau koma…!
Árskortin eru ekki komin í sölu og óvíst hvort eða hvenær það verður – á meðan verða allir að líma miða á hjólið.

5. Er ekki í lagi að ég borgi bara tvisvar næst?
Nei!   Hver man eftir því?

6. Ég vara koma úr endúró-túr og hélt að það væri í lagi að prófa aðeins…!
Nei það er bara alls ekki í lagi!    Ef allir tækju einn prufuhring í brautinni……

7. Er ekki nóg að vera í Vík..??
Það fylgja því fullt af fríðindum að borga félagsgjald í Vík – en það er ekki frítt í Mx-brautir.

8. Kaffistofan var lokuð..!
Kaffistofan lokar kl 9:00 virka daga.  Ef þú nærð ekki fyrir þann tíma þá getur þú nálgast miða til að líma á hjólið og þá hjólarðu ekki..!

9. Ég keypti miða í síðustu viku og þá sprakk hjá mér eftir 5 hringi..!
Sama regla og á skíðasvæðunum – ef skíðið brotnar eða veðrið versnar – þá flokkast það undir almenna ÓHEPPNI..!  engin leið að halda utanum slíkt..!!!
 
10. Ég keypti miða í seinustu viku er það ekki nóg?
Um er að ræða DAG-passa!  Þeir duga bara út daginn..! 

Sjálfsagt eiga eftir að heyrast fleiri afsakanir og skrítnar skýringar en ekkert er tekið gilt nema MIÐI LÍMDUR Á HJÓLIÐ.
Næsta sem gerist ef þetta heldur áfram er að það verður starfsmaður á launum í hliðinu inná brautina og miðinn þarf að kosta 2.500 krónur….!!