Vélhjólaíþróttaklúbburinn hefur tilnefnt Gunnlaug Karlsson sem Íþróttamann Reykjavíkur fyrir hönd félagsins.
Gunnlaugur er Íslandsmeistari í MX2 flokki í motocrossi eftir harða baráttu í sumar. Hann hefur lagt hart að sér undanfarin ár og er nú að uppskera eftir því. Hann hefur verið góð fyrirmynd í sportinu auk að koma að þjálfun byrjenda og yngri keppenda og lagt þannig sitt af mörkum við uppbyggingu íþróttarinnar. Hann er vel að tilnefningunni kominn.