Kári Jónsson tryggði sér í gær Íslandsmeistaratitilinn í Enduro Cross Country þegar hann sigraði í þriðju og síðustu umferðinni í Íslandsmótinu. Kári þurfti að hafa mikið fyrir sigrinum að þessu sinni en Daði Erlingsson leiddi drjúgan hluta af keppninni en lenti í því óláni að afturhluti grindarinnar (subframe) brotnaði og rétt hékk hjólið saman og því dró það nokkuð úr hraða hans. Kári, sem er að jafna sig eftir handarbrot, náði þessu á seiglunni og tryggði sér fullt hús stiga úr þremur keppnum ársins. Þetta er þriðji titillinn hjá Kára en hann var bæði Íslandsmeistari í fyrra og árið 2006.

Keppnin var haldin að Jaðri á Suðurlandinu og heppnaðist frábærlega vel.

Eftirfarandi er lokastaðan í þeim flokkum sem keppt er í í Enduro Cross Country:

ECC1

1. Kári Jónsson 300
2. Daði Erlingsson 237
3. Haukur Þorsteinsson 225

ECC2

1. Björgvin Sveinn Stefánsson 260 stig
2. Bjarki Sigurðsson 260
3. Jónas Stefánsson 201

B Kvennaflokkur

1. Guðfinna Gróa Pétursdóttir 285
2. Ásdís Olga Sigurðardóttir 270
3. Theodóra Björk Heimisdóttir 202

B – flokkur

1. Ingvi Björn Birgisson 252
2. Björn Ómar Sigurðarson 213
3. Svavar Friðrik Smárason 181

B 85 cc

1. Guðbjartur Magnússon 300
2. Ari Jóhannsson 255
3. Einar Sigurðsson 202

B 40 +

1. Magnús Guðbjartur Helgason 252
2. Ragnar Ingi Stefánsson 235
3. Hrafnkell Sigtryggsson 197