Löghlýðinn skattgreiðandi ók út á Reykjanesbrautina og stefndi í áttina til Keflavíkur.  Rétt við Álverið, á 89,7km hraða, tóku tveir launþegar hans upp á því að kveikja blá ljós.  Þessir mætu menn töldu það sjálfsagðan hlut að stöðva bifreiðina.  Ekki af því viðkomandi var ljóslaus, ók á of miklum hraða, var ekki með öryggisbelti, leit út fyrir að hafa ekki ökuskírteinið, stal örugglega bílnum, var búinn að fá sér einn bjór, sýndi enga tillitssemi eða var á óskoðuðum bíl.  Heldur vegna þess að aftan í bílnum var farangur sem leit út eins og mótorhjól.  Bláu ljósin kveikt, bílnum snúið 180 gráður og allt sett í botn með tilheyrandi látum.  „Fávitarnir“ í framsætinu voru ráðnir í forvarnir og unnu sitt starf af kappi.  Tjáðu viðkomandi bílstjóra að ef hann færi í brautina við Grindarvíkur afleggjara (tilvitnun hefst) „ef þú ferð á cross brautina við Grindavíkurafleggjarann mátt þú eiga von á afskiptum frá okkar hendi þar sem þetta flokkaðist undir akstur utan vega“ (tilvitnun líkur).  23 km frá Grindavíkurafleggjara sá bílstjórinn Hallgrímskirkju í fjarska, ekki sáttur við framkomu launþega sinna og ný búinn að leika einleik í virðingu og tillitssemi.  Motocross brautin við Njarðvík er lannnngggggt frá byggð.  Akstur á henni veldur ENGUM skemmdum.  Akstur EKKI á henni veldur skemmdum á landinu.  Hvar er skynsemin ef ekki á að vísa hjólamönnum af Suðurnesjum og víðar inn á lokað svæði.  Brautin hefur verið til staðar í yfir 24 ár og mun verða það áfram.  Ennþá eru a.m.k. 128 ár í að byggð nálgist þetta svæði.

Við upphaf Fjallabaksleiðar, við Búrfell, er skilti þar sem skýrt kemur fram að allur akstur utan vega er bannaður.  Gaman væri að sjá þessa sömu „fávita“ blikka bláu ljósunum sínum og stoppa alla jeppa á Selfossi.  Ræskja sig og tjá ökumönnum jeppanna að við Fjallabaksleið er skilti þar sem allur akstur utan vega er bannaður.  Vegna þessa að 1-4 metra þykkur snjór liggur yfir öllu þá skuli þeir ekki voga sér að reyna að þræða slóðann.  Með nútíma tækni er auðvelt að sanna sekt þeirra þó svo skafi í förin eða snjórinn bráðni.

Á þessum „hryðjuverkatímum“ getur stundum komið sér vel að eiga ekki jeppa.  Maður kemst þó óáreittur til Hellu.

Það skal tekið skýrt fram að meintir fávitar, auðkennt ofar sem „fávitar“ (innan gæsalappa), voru bara tveir.  Dæmum ekki heila atvinnugrein á atferli tveggja einstaklinga.  GM.