Ný tegund af Endurokeppnum hefur verið að ryðja sér til rúms undanfarin tvö ár.  Þetta eru keppnir þar sem keppendur þurfa að fást við mjög erfiðar þrautir og oft á tíðum þurfa þeir aðstoð áhorfenda til þess að klára.  Dæmi um slíkar keppnir eru “Hells gate” og The Tough One” sem báðar hafa verið haldnar á þessu ári og David Knight hefur unnið.  Það sem vekur athygli er að þeir keppendur sem standa sig hvað best í þessum erfiðu keppnum eru oft á tíðum fyrrverandi eða jafnvel núverandi Trials keppendur. 

Dæmi um einn slíkan er Graham Jarvis.  Hann er að keppa í fyrsta skipti í Enduro á þessu ári en er mjög þekktur Trials ökumaður og hefur margoft sigrað í heimsmeistarakeppnum í þeirri grein.  Hann varð í öðru sæti í “The Though One” á eftir David Knight og kláraði í fimmta sæti í “Hells gate” af þeim sex keppendum sem náðu að klára.  Graham mun einbeita sér að Enduro í ár og keppa fyrir Sherco.  Það verður án efa spennandi að fylgjast með kappanum og það verður spennandi að sjá hvort fleiri Trials ökumenn feta í sömu spor og þeir fyrrnefndu.