Garðar vill koma því á framfæri að allar brautirnar eru í frábæru standi. Það fraus aðeins í nótt en það var að mestu bráðið þegar hann mætti til vinnu í morgun. Eins og alltaf, á þessum árstíma, þá er frábært rakastig í brautunum sem gerir það að verkum að allt viðhald er mun auðveldara og pallarnir halda sér mun betur. Getur ekki verið betra.

Enn og aftur hvetjum hjólafólk að nýta sér þá góðu daga sem bjóðast og dagurinn í dag er einmitt einn af þeim.

Þeir sem ekki eru með árskort!!!!! Munið eftir að kaupa miða í Litlu Kaffistofunni eða í Olís.

Gaman saman á flottu Bolaöldusvæði.

Garðar vill koma því á framfæri að allar brautir eru í frábæru ástandi. Veðrið er frábært og þeir fáu pollar sem voru á svæðinu í gær ættu að vera farnir um miðjan dag. Hann var sveittur í allan gærdag að fara yfir brautirnar!!!  Allt fyrir okkur hjólarana.

Einnig er Garðar búinn að vera að vinna töluvert í barnabrautinni, nú er kominn þar rosa flottur pallur með 20 metra lendingu. Þetta ætti að kæta alla byrjendur/ börn.

Höfum gaman saman á Bolaöldusvæðinu. Nýtum dag eins og þennann, það verða ekki margir svona dagar í viðbót.

Garðar er búinn að vera að græja brautirnar í Bolaöldunni og segir að þær séu allar í 100% ásigkomulagi. Einnig bendir hann á að veðrið er frábært þessa stundina og veðurspáin fyrir morgundaginn er eins góð og hún getur orðið á þessum árstíma. Hann er búinn að vera að hamast, bæði með jarðýtunni og traktornum, við að rippa brautinar og lagfæra palla. 

Nú er um að gera að nýta sér þessa góðu daga sem bjóðast til að hjóla.