Nú er komið að því að endurnýja bremsu og eða kúpplingsvökvana. Þá vökva verðum við að endurnýja reglulega rétt eins og aðra vökva á hjólinu. Bremsuvökvi dregur í sig raka þegar hann eldist og við það lækkar m.a hitastuðullinn í olíunni. Of getur það komið út þannig að þegar tekið er í bremsuna þá er hún mjúk og stoppar ekki fyrr en komið er í botn. Ráðlegt er að skipta um vökvana amk einu sinni á ári. Keppnisfólki ráðleggjum við að gera það amk tvisvar á ári til að tryggja gæðin á bremsunum. Sama aðferð er notuð til að skipta um olíuna á bremsu og kúpplings kerfum.

Hér er tengill á hvernig er gott að bera sig að

Hér er video um hvernig gott er að bera sig að.

Nú er bara að skella sér í að gera og græja.

Góða skemmtun.

Þar sem veðurspá næstu daga gefur ekki mörg tilefni til að leika sér á drullumallaranum er tilvalið að fara í smá dund og fínerí. Smellum hér inn myndbandi um hvernig er gott að bera sig að við ásetningu á límmiðakittum. Útlitið á hjólunum er að sjálfsögðu mikið atriði. Það eru nokkrir aðilar sem gefa sig út fyrir að búa til merkingar á hjól hér á landi. Kynnið ykkur málið áður en rokið er í að panta kittin erlendis frá.

Sjá tengil á myndband HÉR.

Nú er bara að skella sér í að gera og græja.

Góða skemmtun.

Nú er komið að því að skipta um kælivökvann. Fyrir utan olíuna er kælivökvinn mikilvægasta atriðið að hafa í lagi upp á endingu hjólsins. Kælivökvinn sér ekki bara um að verja fyrir frosti og ofhitnun heldur ver hann líka gegn tæringu. Það eru til margar gerðir af kælivökva, við notum hellst „long live“ kælivökva á okkar hjól. En flóran í kælivökvum er mikil og misjöfn á milli framleiðanda, leytið ráðlegginga hjá þeim aðila sem þið kaupið vökvann hjá. Það er líka til kælivökvi með hærra suðuþol, hann er góður fyrir hjól sem eru viðkvæm fyrir ofhitnun. Gott er að miða við að endurnýja kælivökvann amk tvisvar á ári.

Hér er tengill hvernig á að skipta um kælivökva.

Nú er bara að skella sér í að gera og græja.

Góða skemmtun.

Setjum inn hér eitt kennslumyndband fyrir lengra komna. Í myndbandinu eru mjög góðar leiðbeiningar hvernig á að skipta um olíu og þétti í afturdempara. Það skal tekið fram að þetta er fyrir LENGRA KOMNA í hjólaviðhaldi, eða fyrir þá sem er góðir mekkar. Öllu jöfnu þarf að skipta um olíu á efturdempara einu sinni á ári, Fyrir þá sem nota hjólin lítið ætti að nægja að skipta um olíuna annað hvert ár en þá er olína að sjálfsögðu ekki að skila sínum bestu eiginleikum allan tímann. ATH það þarf að setja KÖFNUNAREFNI í demparan líka, það er einungis hægt að gera með til þess gerðum tækjum sem hjólaverkstæðin hafa.

HÉR er tengillinn.

Nú er bara að skella sér í að gera og græja.

Góða skemmtun.