Stóra brautin í Bolaöldu verður LOKUÐ áfram næstu daga. Enn er eftir að lagfæra vökvunarkerfið og setja upp stikur til að afmarka brautina.
Lesa áfram Bolaöldubraut LOKUÐ Næstu daga. Vinsamlegast virðið það.
Greinasafn fyrir flokkinn: Félagsstarf
Ef starf er tengt félagi þá er það félagsstarf
Landsmót UMFÍ
Landsmót UMFÍ fer fram 4-7 júlí á Selfossi og í fyrsta sinn er motocross hluti af dagskrá. Enn er hægt að skrá sig og býðst Guðbjartur Stefánsson ( Guggi ) til að aðstoða VÍK fólk til skráningar á mótið. Nóg er að senda póst á netfangið guggi@ernir.is og mun hann þá ganga frá skráningu fyrir viðkomandi. Í póstinum þarf að koma fram fullt nafn og kennitala keppanda.
Gerum umgjörðina og keppnina sem glæsilegasta og styðjum við uppbyggingu keppnishalds í motocrossi. Gera má ráð fyrir 10-15.000 manns á svæðinu á meðan keppni fer fram, þannig ef ökumenn vilja keyra fyrir framan áhorfendur að þá er þetta líklegast sá vettvangur þar sem von er á þeim flestum.
VÍK á rétt á 4 keppnisplássum og fyrstur kemur fyrstur fær.
Er ekki bara málið að skella sér, það er hvort sem er svo lítið um keppnishald í Júlí.
ATH SÍÐASTI SÉNS TIL SKRÁNINGAR ER Í DAG.
Bolaalda.
Við erum með stórhuga áætlun um uppgræðslu á Bolaöldusvæðinu og er sáning í alla auða bletti kringum keppnisbrautirnar fyrsti áfangi í því. AÐ SJÁLFSÖGÐÐU er BANNAÐ að keyra yfir þau svæði.
Biðjum kröftuga hjólara um að virða það. Það er ekki verið að lita svæðið til þess að spólförin sjáist betur. ÞETTA ER UPPGRÆÐSLA. VÍK. Lesa áfram Bolaalda.
SÓLBREKKU GLEÐI
Nú er tækifæri til að láta gott af sér leiða og í leiðinni njóta útiveru með skemmtilegu fólki.
Í KVÖLD: Þá vantar Jóa aðstoð við að klára frágang á keppsnibrautinni. Mæting kl 18:00 ( allt í lagi ef það dregst til 19:00 ) CA 2-3 tíma vinna, en hver er að telja í góðu veðri.
Á LAUGARDAG: Þá vantar Jóa grimma brautarverði sem hafa gama af því að skamma aðra hjólara 🙂 eða að minnsta kosti vera duglegir að passa stikur og að keppendur keyri löglega innan merkinga.
Gott væri ef að sem flestir sæu sér fært að leggja til aðstoð í kvöld og á laugardag því að:
Fáar hendur = MIKIÐ verk. Margar hendur = LÍTIÐ verk.
Hendur fram úr ermum og gerum þessa keppni að frábærri keppni.
Enduro CC sem átti að vera á Akureyri 15 júní færð suður vegna ástands jarðvegar fyrir norðan
Því miður hefur sú staða komið upp vegna ástands jarðvegar fyrir norðan að færa þarf keppnina sem halda átti 15 júní á svæði KKA manna á Akureyri suður. Keppnin mun því fara fram á suðvesturhorninu og hugsanlega á suðurlandi en MSÍ mun auglýsa það nánar þegar endanleg staðsetning hefur verið ákveðin. Eins og staðan er í dag að þá er líklegast að keppnin fari fram á akstursíþróttasvæði VÍK við Bölaöldu en enduronefnd VÍK er að skoða aðra staði sem koma til greina og það verður að viðurkennast að fátt er um fína drætti hvað þetta varðar. Skráning í keppnina hefur ekki verið opnuð á vef MSÍ en það mun gerast á næstu dögum. Þannig að fólk verður að bara að vera duglegt að fylgjast með tilkynningum á vef VÍK og MSÍ. Jafnframt munum við tilkynna nýjan keppnisstað á fésið.
Gjöf VÍK og keppenda, Enduro – Klaustur 2013
Öll þau ár sem Enduro – Klaustur ( Offroad Challenge ) hefur verið haldin við Kirkjubæjarklaustur hefur heilsugæslan þar staðið að baki okkur með góðri og dyggri þjónustu. Til að þakka fyrir færðum við, Vélhjólaíþróttaklúbburinn og keppendur, Heilsugæslunni á Kirkjubæjarklaustri veglegan styrk til tækjakaupa, en heilsugæslan þar stendur í ströngu við að fjármagna mælitæki til fjarheilbrigðisþjónustu. Það er deginum ljósara að við öll sem stöndum að og í keppni á svæðinu gætum þurft að á þessari þjónustu á að halda. Það var því gleði í okkar hjarta að geta fært þeim þakkarvott í hendur sem í leiðinni gæti jafnvel hjálpað okkur sjálfum.
Nánari skýring á því hvað liggur í Fjarheilbrigðisþjónustu og orðsending frá
Auðbjörgu B. Bjarnadóttur, hjúkrunarstjóra :
Meginmarkmið með fjarheilbrigðisþjónustu er að auka aðgengi sjúklinga sem og heilbrigðisstarfsfólks að sérflæðisþjónustu og annarri heilbrigðisþjónustu, sem ekki er aðgengileg heima í héraði. Til eru mælitæki sem geta sent frá sér upplýsingar um t.d lífsmörk eða hjartalínurit sjúklinga, eyrnaskoðun, áverka, útbrot o.fl sem myndi skila sér á myndrænu formi til fjarstadds sérfræðings. Mun þessi tækni draga úr óþægindum vegna ferðalaga sjúklinga sem og tryggja frekara mat. Í raun fjölnotatæki sem eru ætluð til notkunar í heilbrigðisþjónustu. Engin slík tæki eru til hér á landi, en þekkist næstum allsstaðar í heiminum S.s Grænlandi, Usa, Ástralíu, Noregi ofl löndum. Tækin eru notuð þar sem fáir búa og vegalengdir miklar. Tæknin styrkir sjúkdómsgreiningu, fækkar „óþarfa“ ferðum úr héraði og er það sparnaður fyrir alla aðila þegar til lengri tíma er litið. Í raun um tímamótaverkefni að ræða.
Þetta er stærsta verkefnið sem er í gangi hjá okkur, svo er fleira framundan S.s að endurnýja eitt og annað sem komið er til ára sinna.
Bestu þakkir fyrir rausnarlegt framlag ykkar sem kemur sér svo sannarlega vel að notum við að efla heilbrigðisþjónustuna á staðnum ekki síst á niðurskurðartímum!
Sjáumst svo að ári!
Kær kveðja,
Auðbjörg