Ef starf er tengt félagi þá er það félagsstarf
Þriðja og síðasta skemmtikeppni sumarsins verður haldin næsta miðvikudag 12. september. Allir krakkar velkomnir, hvort sem þau hafa verið með æfingunum okkar eða ekki . Fyrirkomulagið verður svipað og áður og keppt í þremur flokkum, 50 cc, 65 cc og 85 flokkum. Ánægja og skemmtun er að aðaltakmarkið og í lokin býður félagið upp á léttar veitingar af grillinu. Mæting er kl 18. og þátttakan kostar ekki krónu. Sjáumst.
Um leið og við minnum á Styrktarkeppnina í Álfsnesi um helgina,
þá er ekki seinna vænna en að fara minna á 7. og 8. umferð Íslandsmótsins í Enduro sem haldin verður á keppnissvæði VÍK í Bolaöldu þann 8. september nk.
Enduronefnd hefur farið yfir svæðið og er með hugmyndir um að leggja alla nokkra nýja slóða og einnig að nota sparisparislóða sem hafa verið í dvala í nokkur ár.
Skráning hefur verið opnuð á www.msisport.is og við hvetjum alla sem hafa áhuga á skemmtilegri keppni að skrá sig. Við minnum á að í Endurokeppnum þarf ekki tímatökusenda heldur er bólukerfið notað þar. Einnig er vert að minna á að slóðarnir eru í mjög góðu ástandi núna og um að gera að nýta sér þetta frábæra svæði áður en Vetur Konungur mættir á svæðið.
Kveðja, enduronefnd VÍK
Talsvert miklar breytingar eru i gangi á Álfsnesi um þessar mundir. Tilefnið er styrktarkeppni fyrir MXoN liðið okkar sem mun keppa í Belgíu í lok september.
Brautinni og reyndar aðstöðunni allri hefur verið talsvert mikið breytt. Vestasti hluti brautarinnar hefur verið skorinn af og í staðinn bætt við kafla syðst í brautinni (nær barnabrautinni). Þetta gerir það að verkum að brautinn öll er nær pittnum heldur hún var. Enn betra er að risa-áhorfendasvæði hefur verið gert sem er með mikið og gott útsýni yfir nánast all brautina, sem var nú kannski galli á Nesinu áður.
Skráning í MXoN keppnina fer fram hér og hvetjum við auðvitað alla til að skrá sig og njóta þessara flottu breytinga (og auðvitað styrkja strákana).
Reynir brautarstjóri vill koma á framfæri miklum þökkum til Frostfisks fyrir stuðningin við brautargerðina.
Brautin er lokuð fram að keppni.
Þá er búið að opna fyrir skráningu í bikarmótið sem fer fram á sunnudaginn í Álfsnesi. Keppt verður í 4 flokkum og verður aðalatriðið að hafa gaman af deginum og sýna strákunum í landsliðinu að við stöndum á bakvið þá.
Hér eru flokkarnir sem keppt verður í
Lesa áfram Styrktarmót fyrir MXON í Álfsnesi sunnudaginn 2.sept
Þar sem keppendur eru fáir þá erum við í vandræðum með flöggun á nokkrum pöllum á morgun. Hér með er auglýst eftir sjálboðaliðum til að aðstoða okkur við það. Ekki verður hleypt út í braut nema að flaggarar séu til staðar. Í boði eru miðar í brautina ásamt hádegismat.
Áhugasamir geta sent emil á vik@motocross.is eða haft samband í síma 777 5700
Óli G.
Enda var allt að gerast. Krakkamót var í 85cc brautinni sem að þjálfarar félagsins sáu um í dyggri umsjá Pálmars P. Gaman að sjá framtíðina takast á brautinni, þvílík ánægja og áhugi sem skín af þessum krökkum. Allir fengu verðlaun og medalíur, Bína Bleika verðlaunaði síðan alla keppendur með pylsum og gosi í lokin. Einnig var gaman að sjá hversu virkir foreldrarnir eru í barnastarfinu.
Í framhaldi af þessu verður næsta æfing á mánudaginn opin fyrir alla krakka sem vilja koma og læra meira og hjóla betur.
Eins og sést á forsíðumyndinni þá hefur húsið tekið stórkostlegum breytingum, búið er að klæða 3/4 af húsinu og hefur einvalalið staðið sig frábærlega þar.
Brautin verður opin í dag frá 16.00 – 21.00. Svo er það stóri vinnudagurinn á morgun, Föstudag. Við þurfum að klára frágang í kringum brautina ofl. Okkur sárvantar fólk til að aðstoða okkur. Vinnutíminn er frá 18:00 gerum ráð fyrir að klára þetta á 2 klst. Lesa áfram Fjör í Bolaöldubrautum í gærkvöldi.