MSÍ hefur opnað fyrir skráningu í fyrsta íscrossmótið til Íslandsmeista sem fer fram laugardaginn 28 janúar. Árétta skal til keppenda að hjól þurfa að vera með ádrepara í lagi og öll hjól þurfa að vera tryggð. Góður hópur manna var að hjóla á ísnum á Leirtjörn um helgina og er það vonandi til marks um góða mætingu um helgina þar sem keppnin fer fram á suðvesturhorninu. Nú þegar hafa systkinin Signý og Jonni skráð sig til leiks. Eins og staðan er í dag að þá mun keppnin að öllum líkindum fara fram á austanverðu Hafravatni en miðað við lýsingar formanns MSÍ að þá var ísinn þar í góðu standi og gafst borvél formannsins upp þegar hún var komin í rúma 15 cm og enn bólaði ekkert á vatni. Ef einhver á tönn sem hann/hún er tilbúin að lána okkur framan á fjórhjól til að ýta braut, að þá væri það vel þegið. Hægt er að hafa samband við Kalla í netfanginu kg@ktm.is eða Sverrir í netfanginu sverrir@motosport.is.
Greinasafn fyrir flokkinn: Félagsstarf
Ef starf er tengt félagi þá er það félagsstarf
Fjör á Leirtjörn í dag.
Það var hörku stuð, múgur og margmenni, reisað og rúntað, spjallað og pínulítið kvartað. EN rosalaega gaman saman. Vonandi fáum við líka marga á ískeppnina um komandi helgi.
Glæsilegir fulltrúar MotoMos fá viðurkenningu frá Mosfellsbæ
Í gær veitti Mosfellsbær íþróttafólki sem talið er að hafa skarað fram úr í sinni grein viðurkenningar fyrir þátttöku sína fyrir árið 2011. MotoMos átti sína fulltrúa á svæðinu og voru það hvorki meira né minna en fimm fulltrúa á meðal annara glæsilegra ungmenna á svæðinu. Eftirfarandi aðilar voru fulltrúar MotoMos í ár.
- Brynja H. Hjaltadóttir í 85cc kvenna
- Daði Erlingsson í E1 enduro og MX1
- Eyþór Reynisson MX2 og MX Open
- Jökull Þ. Kristjánsson 85cc
- Viktor Guðbergsson MX Open
Jafnframt fengu Daði Erlingsson verðlaun fyrir þátttöku sína í landsliði Íslands sem keppti í ISDE í Finnlandi, Eyþór Reynisson og Viktor Guðbergsson fyrir þátttöku sína fyrir Íslands hönd á MXON í Frakklandi. Frábært að bæjarfélagið skuli veita slík hvatningarverðlaun og nú er bara að halda áfram eða gera ennþá betur á næsta ári.
MotoMos tilnefndi Daða Erlingsson sem íþróttamann félagsins fyrir árið 2011 og óskum við honum til hamingju með árangurinn. Daði hefur vaxið geysilega sem akstursíþróttamaður og hefur nánast verið ódrepandi frá því að hann hóf keppni. Hefur hann tekið þátt í nánast öllu keppnum sem hann hefur getið verið með í af mikilli óbilgirni og þrautseigju sem hafa komið Daða á þann stall sem hann er á í dag. Daði á bara eftir að vaxa sem ökumaður ef hann heldur áfram að æfa eins og hann gerir ásamt því að sýna þessu slíkan brennandi áhuga sem hann hefur sýnt frá því að hann hóf þátttöku. Með tilnefningu MotoMos kom Daði til greina sem íþróttmaður Mosfellsbæjar, sem er mesti heiður sem bærinn veitir íþróttamanni. Það eitt að vera í þessum hópi er stórkostlegur árangur og viðurkenning fyrir mikið harðfylgi. Daði náði ekki kjöri sem íþróttamaður Mosfellsbæjar og þá er bara að taka þetta á næsta ári Daði.
Að lokum óskar MotoMos fulltrúum sínum til hamingju með árangurinn og hlakkar til að fylgjast með þeim í ár. Vonandi haldið þið áfram á sömu braut og MotoMos væntir þess að sjá ykkur að ári við afhendingu viðurkenninga af hálfu Mosfellsbæjar fyrir árið 2012.
Flott veður, frosinn pollur, mikið fjör, gaman saman.
Um það verður ekki logið, það er gaman saman í góðu veðri á frosnum polli. Gerist varla betra að vetri til. Reyndar voru hjólakappar frekar syfjaðir á þessum Sunnudegi og mættu seint og síðar meir.
Lesa áfram Flott veður, frosinn pollur, mikið fjör, gaman saman.
Crossfit æfingar að hefjast á nýju ári
Við byrjum aftur á morgun þriðjudaginn 10. janúar. Æfingadagar verða áfram þeir sömu, mánudagar, þriðjudagar og fimmtudagar en nú verða allar æfingar kl. 19. Nú er farið að sjást í sumarið þrátt fyrir allan snjóinn og því ekki eftir neinu að bíða með að koma sér í form fyrir tímabilið. Þeir sem hafa verið á fullu í allt haust eru komnir í svakalegt form og enn að bæta sig og því verður mjög gaman að sjá þá á hjólunum í sumar. Í vor munum við leggja mikla áherslu á þol og þrek og þétta keyrslu á hverri æfingu – bara gaman.
Æfingar 2-3 x í viku fyrir þá sem eru vanir Crossfittarar
2x í viku, 4 mánuðir Verð 19.900 fyrir tímabilið jan-apríl
3x í viku 4 mánuðir Verð 29.900 fyrir tímabilið janúar-apríl
Fyrir þá sem eru að byrja í Crossfit alveg frá grunni er nauðsynlegt að mæta á grunnnámskeið í 6 vikur en það plús 2 æfingar í viku janúar til apríl kostar 29.900 fyrir tímabilið.
Lesa áfram Crossfit æfingar að hefjast á nýju ári
Bikarmóti MotoMos í íscrossi aflýst vegna dræmrar þátttöku
Vegna ónógrar þátttöku og dræmra undirtekta að þá hefur MotoMos ákveðið að hætta við áður auglýst bikarmót í íscrossi á Hafravatni laugardaginn 7 janúar. Rétt um tíu keppendur hafa skráð sig til leiks og er ekki stætt á því fyrir klúbbinn að halda keppni gangandi með þeim fjölda. MotoMos þakkar þeim sem skráðu sig fyrir sýndan áhuga og mun endurgreiða að fullu keppnisgjaldið til þeirra sem skráðu sig. Senda þarf upplýsingar um reikningsnúmer og kennitölu á motomos@internet.istil þess að hægt verið að ganga frá endurgreiðslu til keppenda. MotoMos vonar að hjólamenn taki svo betur við sér þegar næsta fyrirhugaða mót verður auglýst og óskar hjólamönnum góðrar hvíldar í vetur og vonar að með hækkandi sól verði menn tilkippilegri.