Stóra brautin í Bolaöldum verður lokuð á morgun Þriðjudag. Unnið verður með jarðýtu í brautinni. Brautin opnar aftur á Miðvikudag kl 18:00.
Brautarstjórn
Greinasafn fyrir flokkinn: Félagsstarf
Ef starf er tengt félagi þá er það félagsstarf
Opnunartímar Bolaöldubrauta
Breytingar á opnunartíma fram að MX Bolaöldu 2011. Brautin lokar 18.o8.2011.
- Mánudagar 18 – 21.
- Þriðjudagar 14 – 21.
- Miðvikudagar 18 – 21.
- Fimtudagar 14 – 21.
- Föstudagar 18 – 21.
- Laugardaga 10 – 18.
- Sunnudaga 10 – 18.
Lokað verður einhvern dag, í næstu viku, vegna jarðýtuvinnu í brautinni. Fylgist með hér á netinu.
Endúróbrautin er alltaf opin.
Flöggun í 3. umferð Íslandsmótsins í MX – Sólbrekka
Á morgun, laugardaginn 23. júlí, fer fram 3. umferðin í Íslandsmótinu í Moto-Cross í Sólbrekkubraut. Sama fyrirkomulag verður varðandi flöggun og var í Álfsnes keppninni, þ.e. að keppendur muni sjá um flöggun á ákveðnum pöllum. Sólbrekkubraut er hins vegar með mun fleiri flaggstaði en Álfsnes og því verður hver keppandi, annað hvort sjálfur eða einhver fyrir hans hönd, að flagga í 3 Moto-um. Við skoðun á morgun fær hver keppandi blað sem hefur að geyma upplýsingar um hvenær og á hvaða palli viðkomandi þarf að flagga. Eins er uppdráttur af brautinni, dagskráin sjálf og númer á Moto-um á blaðinu. Flaggstaðir sem merktir eru með svörtum hring eru þeir staðir sem keppendur munu flagga á.
Það er gífurlega mikilvægt að keppendur (eða aðstandendur fyrir þeirra hönd) sinni þessu hlutverki samviskusamlega. Keppnin getur ekki hafist fyrr en allar flaggara stöður eru mannaðar. Ekkert væl og höfum gaman að því að hjálpa til 🙂
Þegar öllu er á botninn hvolft þá þarf einhver að flagga þegar við erum sjálf að keppa…
Þegar öllu er á botninn hvolft þá þarf einhver að flagga þegar við erum sjálf að keppa…
Bestu kveðjur,
Keppnisstjórn
Unglingalandsmót UMFÍ um verslunarmannahelgina
Austanmenn vilja minna á að sunnudaginn um verslunarmannahelgina fer fram Unglingalandsmót á Egilsstöðum. Keppt verður í motocrossi eins og síðastliðin ár og er keppnin opin öllum 12-18 ára. Mikil vinna hefur verið lögð í brautargerð á Egilsstöðum og verður gaman að sjá hvernig smíðin hefur tekist. Heimamenn lofa amk frábærri braut og stemningu. Skráningu í keppnina lýkur næstkomandi sunnudag 24. júlí en keppendur þurfa bæði að skrá sig á skráningarsíðu UMFÍ og á vef MSÍ, msisport.is.
Frábær skemmtikeppni!
Veðrið og aðstæður hreinlega léku við menn í Bolaöldu í dag. VÍK og Hjörtur Líklegur stóðu fyrir skemmtikeppni til styrktar Blóðbankanum og keppendum til skemmtunar. 30 manns skráðu sig til keppni og áttu frábæran dag. Dregið var í tveggja manna lið og reynt að jafna hraða liðanna með valinu og öðrum leiðum s.s. armbeygjum í tíma og ótíma. Keppt var á neðra svæðinu í 7,9 km langri braut. Sigurvegarar dagsins með 11 hringi voru Atli Már #669 og Ólafur Einarsson, Árni Gunnar keyrði einn og varð í öðru sæti og Ágúst H og Guðmundur Óli í því þriðja en allir aðrir keppendur fengu verðlaun frá hinum ýmsu styrktaraðilum. Við þökkum keppendum og styrktaraðilum kærlega fyrir daginn. Nánari úrslit eru hér:
Verðlaun i skemmtikeppnina
Liklegur