Það virðist svo að það séu amk nokkrir dagar í að Bolaaldan verði tilbúin. Nema þá að það sé smá ævintýrí í hjólurum. 
Greinasafn fyrir flokkinn: Fréttir
Þetta er aðalflokkurinn
ÍS akstur getur verið hættulegur.
Þar sem þó nokkrir gallharðir hjólarar eru mjög grimmir á ísnum þá höfum við töluverðar áhyggjur af slysum. Það eru jú eiginlega vélsagarblöð undir hjólunum sem fara mjög auðveldlega í gegnum hlífðarfötin. Þetta er meira spurning um hvenær slysið gerist heldur en hvort það gerist. Og þegar það gerist þá er eins gott að sá sem veldur sé vel TRYGGÐUR. Víða erlendis eru strangar reglur um útbúnað hjóla á ís. Hér fyrir neðan, á myndinni, eru hlífar yfir gaddana/ dekkin sem gæti virkað og er einföld. Spurning um hvort að við ættum ekki að taka okkur þetta til fyrirmyndar og það hellst áður en slysin gerast.
Stjórn VÍK
Dakar 2014 – Marc Coma vinnur í fjórða sinn, KTM 13 árið í röð
Á þessum síðasta degi Dakar rallsins lá leiðin frá La Serena til Valparaíso. Hófst hún á 122km ferjuleið, svo stutt sérleið ekki nema 157km og svo 256km ferjuleið, samtals 535km en þó dagleiðin sé ekki löng þá er hún lúmsk, grýtt og fjallshlíðin er þyrnum stráð, þ.e.a.s þarna er mikið um kaktusa sem þarf að gæta sín á.
78 mótorhjól og 15 fjórhjól fóru af stað í morgun og allir kláruðu þeir daginn þó misshratt. Til þess að brjóta aðeins upp formið þá er startað í öfugri röð í dag, þ.e.a.s frakkinn Yannick Guyomarch(Yamaha) sem kom síðastur í mark í gær fór fyrstur af stað í dag. Hann er nú engin nýgræðingur í Dakar, er þetta hans 9 Dakar keppni en einungis sú 4 sem hann nær að klára en það er örugglega skemmtilegt að fá að fara fyrstur inná sérleiðina. Fór hann sérleiðina í dag á tímanum 3:03:09 meðan sigurvegari leiðar dagsins Cyril Despres(Yamaha) fór leiðina á tímanum 1:57:14 en fékk svo 5mín refsingu sem færði hann niður í 5.sæti fyrir daginn. Þarna má vel sjá muninn á atvinnukeppanda og svo áhugamannakeppanda, en það er ástríðan sem rekur þá alla í Dakar ævintýrið.
Það má líka taka hjálminn ofan fyrir hinni 29 ára spænsku Laia Sanz(Honda) en hún er einni kvenkyns keppandinn sem nær að klára í ár, kom hún 16 í dag og endar í 16.sæti yfir heildina, frábært árangur hjá henni.
En það eru fleiri naglar þarna því eins og var sagt frá áður þá datt David Casteu(KTM) illa á 8 sérleið og braut viðbein, hefur hann látið strappa sig saman á hverjum morgni því hann var staðráðin í að klára Dakar, tókst honum það og bara með fínum árangri, kom hann 10 í dag og er í 10.sæti yfir heildina, hörkunagli.
Lesa áfram Dakar 2014 – Marc Coma vinnur í fjórða sinn, KTM 13 árið í röð
Dakar 2014 – dagur 13 sérleið 12
Leiðin á þessum næstsíðasta degi er frá El Salvador til La Serena. Að þessu sinni var náttgistingin uppí fjöllunum til þess að losna við morgunmistrið sem er alltaf þarna á morgnana og hefur áður tafið startið. Leiðin hefst strax á sérleiðinni og eru fyrstu 200km frekar grýttir og erfiðir, svo tekur við sandurinn og ef það er ekki nóg þá bíða keppanda risa sandöldur sem þarf að berjast í gegnum síðustu 150km, þurfa keppendur að gæta þess að vera ekki of nálægt hvor öðrum þar sem laus sandurinn getur verið varasamur. Það má reikna með að einhverji gefist upp við þessar erfiðu aðstæður í dag. Leiðin hófst á 350km erfiðri sérleið og svo tók við 349km ferjuleið.
Marc Coma(KTM) fór fyrstur af stað í morgun þrátt fyrir að hafa endað í 10.sæti í gær eftir að á hann reiknaðist 15mín refsing fyrir að skipta um vél í hjólinu sínu.
Við fyrsta tímapunkt við 44km var Helder Rodrigus(Honda) fremstur, reyndar bara 4sek á undan Cyril Despres(Yamaha) og 50sek á undan Marc Coma(KTM).
En Cyril Despres(Yamaha) ætlaði sér að vinna upp tíma í dag og á öðrum tímapunkti við 90km, var hann komin með 29sek forskot á Helder Rodrigus(Honda), Marc Coma(KTM) kom svo þriðji 1:17mín seinna, Olivier Pain(Yamaha) +1:41mín og Jordi Viladoms(KTM).
Dakar 2014 – Dagur 11 sérleið 10
Leið dagsins var frá Iquique til Antofagasta, hófst hún á 53km ferjuleið, svo tók við 631km sérleið og endaði á 5km ferjuleið. Er sérleiðin tvískipt og kannski sem betur fer vegna lengdar hennar, fyrri parturinn er 231km og er að mestu sandur og möl, svo er tengileið sem er 185km og á malbiki, svo er það 215km lokakafli sem er sandur og grýtt undirlag og þar mun reyna á rötun því sú leið liggur um námusvæði og það eru slóðar og leiðir útum allt.
Það var ekki að trufla Joan Barreda(Honda) í dag að hafa fengið 15mín refsingu í gær vegna hraðaaksturs þar sem hraðatakmörkun er, má gera ráð fyrir að það hafi verið í gegnum eitthvað þorp eða svoleiðis, það gilda oftast hraðatakmarkanir og er vel fylgst með því að keppendur virði þær.
Tók hann sinn fjórða sérleiðasigur í Dakar 2014 eftir fantagóðan akstur í allan dag.
Dakar 2014 – Dagur 10
Leið dagsins lá frá Calama til Iquique byrjar með 37km ferjuleið og svo 422km sérleið, mun hún leiða þá langt í norður og munu þeir í fyrsta skipti í þessu ralli sjá sjóinn. Leiðin liggur aftur inni Atacama eyðimörkina sem er þekkt fyrir háar sandöldur, munu keppendur fara um 150km í eyðimörkinni og þarna mun skilja á milli þeirra sem þekkja eyðimerkurakstur og hinna sem eru ekki eins vanir sandinum en fjörið byrjar rétt í lokin og má reikna með mörgum áhorfendum við síðustu 3km þar sem brekkurnar eru með ca.30% halla og það vill engin bremsa á leiðinni niður.
Strax á fyrstu kílómetrum var ljóst að það yrði barist í dag, á fyrsta tímapunkti sem var við 39km munaði ekki nema 40sek á milli fyrsta og sjötta manns, voru það Cyril Despres(Yamaha), Marc Coma(KTM), Stefan Svitko(KTM), Alain Duglos(Sherco), Joan Barreda(Honda), Jordi Viladoms(Yamaha) og spænska senjorítan Laia Sanz(Honda) en hún fór af stað 17 í dag.
Gott dæmi um að menn gefast ekki svo auðveldlega upp í Dakar er t.d David Casteu(KTM) fór af stað 11 í dag með öxlina strappað þar sem hann braut viðbein í gær en það verður að segjast að þetta er ekki sniðugt en nú er spurning hvort hann nái að klára í dag.