Okkur vantar brautarverði fyrir keppnina á morgun.
Þeir sem væru til í að aðstoða okkur mæta hressir og kátir kl 10 í Bolaölduna.
Veðurspáin er mun vænlegri en á horfðist og stefnir allt í fínan dag. Allt verður búið kl 16:00.
Keppnisstjórn.
Greinasafn fyrir flokkinn: Fréttir
Þetta er aðalflokkurinn
Landslið Íslands 2013
Stjórn MSÍ hefur samþykkt samhljóða tillögur Gunnlaugs Karlssonar landsliðsstjóra um val á landsliði til þáttöku á Motocross of Nation sem fer fram helgina 28. og 29. September í Teutschenthal í Þýskalandi.
Team ICELAND 2013
MX-1 / Kári Jónsson. Kári leiðir Íslandsmótið í MX opnum flokki og er sjálfkrafa valinn í liðið samkvæmt reglum MSÍ. Kári er 25 ára, hann er margfaldur Íslandsmeistari í Enduro og hefur tvisvar keppt fyrir Íslands hönd í International Six Days Enduro í Finnlandi og í Þýskalndi, hann keppti einnig með landsliðinu í Motocross of Nation í Frakklandi 2011
MX-2 / Ingvi Björn Birgisson. Ingvi Björn er 17 ára og hefur verið við keppni og æfingar frá áramótum erlendis og hefur keppt í ýmsum mótum í Bandaríkjunum, Belgíu, Svíþjóð og Noregi. Hann hefur verið við æfingar með úvalshópi Norska keppnissambandsins frá því í mars undir handleiðslu Keneth Gunderson landsliðsþjálfara Noregs. Ingvi Björn keppti í 3. umferð Íslandsmótsins á Akranesi þar sem hann fór með sigur af hólmi í MX2 flokki. Ingvi Björn var í landsliðinu 2012 og keppti í MX-2 flokknum á Motocross of Nation í Belgíu.
MX-Open / Eyþór Reynisson. Eyþór er 21 ára en hann hefur keppt á 450 hjóli í sumar með góðum árangri og er einn hraðasti ökumaður landsins. Eyþór er margfaldur Íslandsmeistari í Moto-Cross og hefur tvívegis keppt með landsliðinu á Motocross of Nation í Bandaríkjunum árið 2010 og í Frakklandi árið 2011.
Liðstjóri / Gunnlaugur Karlsson. Gunnlaugur hefur verið landliðsstjóri síðan árið 2011. Hann hefur mikla keppnisreynslu og keppti sjálfur með landsliðinu í Motocross of Nation árið 2009 á Ítalíu.
OPNUNARTÍMAR BOLAÖLDU
Hér eru opnunartímar í Bolaöldubraut fram að Íslandsmóti.
Miðvikudag 28. ág. 17 – 21
- Fimmtudaga 29. 08 – 12 og 15 – 21
- Föstudaga 30. 08 – 12 og 15- 21
- Laugadag 31. LOKAÐ VEGNA ENDURO KEPPNI
- Sunnudag 1. sept 10 – 17.
- Mánudag 2. sept 08 – 12 og 15 – 21
- Þriðjudaga 3. 08 – 12 og 15 – 21
- Miðvikudaga 4. 08 – 12 og 15 – 21
- Fimmtudaga 5. 08 – 12 LOKUÐ FRÁ HÁDEGI
- Föstudaga 6. LOKAÐ
Brautarstjórn.
Þvílík skemmtun – frábær bikarkeppni í Bolaöldu í kvöld!
Þetta var líklega ein skemmtilegasta motocrosskeppni sem við höfum haldið mjög lengi. 12 mótó voru keyrð á tveimur tímum í þremur flokkum, þrír hringir hvert og hörkurace allan tímann! Brautin hefur sjaldan eða aldrei verið betri, frábærar breytingar og fullkomið rakastig! Vá hvað þetta var gaman 🙂
Viktor átti besta tíma kvöldsins, 1.55,211 og var með flest stig í karlaflokki, Aron Ómarsson átti flott comeback og náði öðru sæti og Guðbjartur Magnússon varð þriðji. Í kvennaflokki var Anita Hauksdóttir fyrst með fullt hús, Einey Ösp varð í öðru sæti og Guðfinna Gróa var í þriðja sæti. Í 85 flokki var það svo Oliver Örn sem náði fyrsta sæti eftir hörkukeyrslu, Víðir Tristan varð í öðru og Elmar Darri í þriðja sæti. Í C-flokki varð Guðmundur Börkur Thorarensen fyrstur.
Keppnin og úrslit eru komin inn á Mylaps síðuna hér: http://www.mylaps.com/en/events/947589
Ég veit ekki með ykkur en ég væri alveg til í að keyra aðra svona keppni í næstu viku – er stemning fyrir því?
Dagskrá bikarkeppninnar á morgun – brautin nýlöguð!!!
Hér má sjá dagskrána svona ca. ef aðstæður leyfa og allt gengur upp. Hugmyndin er að vera með 3 flokka, Karla A/B, Kvennaflokk og 85 flokk. Hver flokkur keyrir 4 moto í heildina og verður hvert þeirra aðeins 3 hringir. Við ætlum að auki keyra 2 moto saman þannig að td. 85 flokkur keyrir moto 1 og klárar og fer þá beint á startlínu og bíður þar eftir síðasta keppanda sem fær 1-2 mínútur til að jafna sig og þá er ræst aftur í moto 2. Eftir seinna motoið tekur næsti flokkur við og svo koll af kolli. Þetta er amk. tilraun og gengur vonandi sem skyldi en hugmyndin er að með svona stuttum motoum æfi menn meira hraða og auðvitað stört í brautinni.
Já og btw, eftir hjólaskóflu- og jarðýtuvinnu kvöldsins var brautin alveg geggjuð í kvöld. Reynsluökumenn kvöldsins héldu amk. ekki vatni yfir breytingunum og lagfæringum. Spáin er fín og þetta verður því fjör á morgun 🙂
Staðan í Íslandsmótinu í Motocrossi eftir 4. umferð
Kári Jónsson er með sterka stöðu í MX Open með 183 stig en Eyþór Reynisson er með 160 stig í öðru sæti og Sölvi Borgar í þriðja sæti með 158 stig. Þeir eiga því á brattann að sækja fyrir síðustu umferðina í Bolaöldu 4. september nema Kári nái hreinlega ekki að klára annað hvort mótóið. Kjartan Gunnarsson er búinn að tryggja sér titilinn í MX2 með 194 stig en maður númer tvö, Jökull Atli Harðarson er með 140 stig og kemst því ekki upp fyrir Kjartan hvernig sem fer. Við óskum Kjartani til hamingju með titilinn.
Aðrir flokkar geta enn farið hvernig sem er en 4 til 26 stig skilja 1. og 2. sætið í öðrum flokkum. Mesta spennan er líklega í 40+ flokknum en þar skilja aðeins 4 stig Hauk Þorsteinsson og Heiðar Örn Sverrisson.
Lesa áfram Staðan í Íslandsmótinu í Motocrossi eftir 4. umferð