Greinasafn fyrir flokkinn: Keppnir

Hér er allt um keppnir, keppnishald og úrslit

Fréttir, Keppnir

Tilkynning frá MSÍ

Færðu inn athugasemd

Fyrsta umferð Íslandsmótsins i Motocross fer fram núna um helgina á svæði UMFS að Hrísmýri.

MSI vill benda keppendum à að dagskrá Íslandsmótsins hefur verið breytt þetta àrið.

Helsti tilgangur þessara breytinga er að stytta viðveru keppenda og starfsmanna á keppnisdag.

 Því sem hefur verið breytt er eftirfarandi:

Hér eftir verða hjól ekki skoðuð fyrir keppni.Í stað fyrirskoðunar verður skoðunarmaður MSÍ á staðnum sem mun gera úrtakskönnun á keppnishjólum à meðan keppni stendur.Keppendur geta átt von á því hvenær sem er á keppnisdegi að þurfa vera tilbúnir með hjólin til skoðunar ef þess er krafist.

Standist hjólið ekki þessa úrtakskönnun þá geta keppendur átt von á því að þurfa gera úrbættur áður en áfram er haldið. Það er því töluverð pressa á eigendum hjóla að vera með þessa hluti i lagi allan keppnisdaginn.

Atriði sem MSÍ kemur til með að skoða á hjólum er sömu atriði og gamla fyrirkomulagið gerði ráð fyrir.

Sem dæmi eru þetta hlutir eins og að hjálmur sé í lagi og ekki með djúpum rispum,handföng heil og ekki með opnum endum,Kúplings og bremsuhaldföng séu ekki brotin og með oddhvössum brúnum,Plöst séu ekki brotin,bremsur séu í lagi,og keppandi getið framvísað annaðhvort skráningarnúmeri eða kvittun fyrir tryggingargreiðslu fyrir hjólið.

MSÍ mun líka í sumar framkvæma hljóðmælingar á hjólum.

Athugið að forráðarmenn keppenda undir 18 ára verða eins og áður að skila inn undirritaðri þáttökuyfirlýsingu.

Önnur breytting sem hefur verið gerð er að Tímataka hefur verið stytt í öllum flokkum.

Þriðja breyttingin er að Moto tími hefur verið styttur i MX1 og MX2.

MSÍ vonar að með þessum breyttingum verði hugsanlega auðveldara að fá fólk til starfa við keppnirnar þar sem að keppnisdagurin hefur verið styttur í báða enda.

 

Ástand brauta, Endúró, Events, Félagsstarf, Fréttir, Keppnir, MSÍ

Enduro CC sem átti að vera á Akureyri 15 júní færð suður vegna ástands jarðvegar fyrir norðan

2 athugasemdir

Því miður hefur sú staða komið upp vegna ástands jarðvegar fyrir norðan að færa þarf keppnina sem halda átti 15 júní á svæði KKA manna á Akureyri suður.  Keppnin mun því fara fram á suðvesturhorninu og hugsanlega á suðurlandi en MSÍ mun auglýsa það nánar þegar endanleg staðsetning hefur verið ákveðin.  Eins og staðan er í dag að þá er líklegast að keppnin fari fram á akstursíþróttasvæði VÍK við Bölaöldu en enduronefnd VÍK er að skoða aðra staði sem koma til greina og það verður að viðurkennast að fátt er um fína drætti hvað þetta varðar.  Skráning í keppnina hefur ekki verið opnuð á vef MSÍ en það mun gerast á næstu dögum.  Þannig að fólk verður að bara að vera duglegt að fylgjast með tilkynningum á vef VÍK og MSÍ.  Jafnframt munum við tilkynna nýjan keppnisstað á fésið.

Félagsstarf, Fréttir, Klaustur

Gjöf VÍK og keppenda, Enduro – Klaustur 2013

Færðu inn athugasemd
IMG_4232
Hér tekur Ragnar Jónsson á móti ávísuninni góðu úr hendi Hrafnkels formanns VÍK.

Öll þau ár sem Enduro – Klaustur ( Offroad Challenge ) hefur verið haldin við Kirkjubæjarklaustur hefur heilsugæslan þar staðið að baki okkur með góðri og dyggri þjónustu. Til að þakka fyrir færðum við, Vélhjólaíþróttaklúbburinn og keppendur, Heilsugæslunni á Kirkjubæjarklaustri veglegan styrk til tækjakaupa, en heilsugæslan þar stendur í ströngu við að fjármagna mælitæki til fjarheilbrigðisþjónustu.  Það er deginum ljósara að við öll sem stöndum að og í keppni á svæðinu gætum þurft að á þessari þjónustu á að halda. Það var því gleði í okkar hjarta að geta fært þeim þakkarvott í hendur sem í leiðinni gæti  jafnvel hjálpað okkur sjálfum.

Nánari skýring á því hvað liggur í Fjarheilbrigðisþjónustu og orðsending frá
Auðbjörgu B. Bjarnadóttur, hjúkrunarstjóra :

Meginmarkmið með fjarheilbrigðisþjónustu er að auka aðgengi sjúklinga sem og heilbrigðisstarfsfólks að sérflæðisþjónustu og annarri heilbrigðisþjónustu, sem ekki er aðgengileg heima í héraði.  Til eru mælitæki sem geta sent frá sér upplýsingar um t.d lífsmörk eða hjartalínurit sjúklinga, eyrnaskoðun, áverka, útbrot  o.fl sem myndi skila sér á myndrænu formi til fjarstadds sérfræðings. Mun þessi tækni draga úr óþægindum vegna ferðalaga sjúklinga sem og tryggja frekara mat. Í raun fjölnotatæki sem eru ætluð til notkunar í heilbrigðisþjónustu. Engin slík tæki eru til hér á landi, en þekkist næstum allsstaðar í heiminum S.s Grænlandi, Usa, Ástralíu, Noregi ofl löndum. Tækin eru notuð þar sem fáir búa og vegalengdir miklar. Tæknin styrkir sjúkdómsgreiningu, fækkar „óþarfa“ ferðum úr héraði og er það sparnaður fyrir alla  aðila þegar til lengri tíma er litið. Í raun um tímamótaverkefni að ræða.

Þetta er stærsta verkefnið sem er í gangi hjá okkur, svo er fleira framundan S.s að endurnýja eitt og annað sem komið er til ára sinna.

 Bestu þakkir fyrir rausnarlegt framlag ykkar sem kemur sér svo sannarlega vel að notum við að efla heilbrigðisþjónustuna á staðnum ekki síst á niðurskurðartímum!

 Sjáumst svo að ári!

 Kær kveðja,

Auðbjörg

 

Endúró, Fréttir, Klaustur

Úrslit frá Klaustri 2013

Færðu inn athugasemd

Hér eru opinber úrslit frá Klaustri. Heildarúrslitin eru hér tilbúin en flokkaúrslit koma mjög fljótlega hér í fréttina.

Overall Klaustur 2013 PDF HTML

Félagsstarf, Fréttir, Keppnir, Klaustur, Krakkar

Barna og Unglingakeppnin Enduro – Klaustur 2013

Færðu inn athugasemd

Eins og venjulega þá héldum við barna og unglingakeppni á Klaustri þetta árið. Skráðir keppendur voru 20 að þessu sinni og margir að stíga sýn fyrstu skref í keppnismensku.

Keppnin var ekin í frábæru veðri kl 9 um morguninn og ekið var í 45 Mínútur í kringum vatnið á Ásgarði.

Eins og venjulega var farin prufuhringur,og síðan ræst með dautt á hjólunum rétt eins og í aðalkeppnini.

Keppnin heppnaðistt vel og allir fóru í það minnsta einn hring og ekki annað að sjá en að krakkarnir hafi verið ánægð með daginn.

Í lok keppni fengu svo allir medalíu fyrir þáttökuna og þrír efstu keppendur voru lesnir upp.

Hér Fyrir neðan má sjá úrslit keppninar.

Lesa áfram Barna og Unglingakeppnin Enduro – Klaustur 2013 →

Endúró, Events, Fréttir, Klaustur

Frábærri keppni lokið á Klaustri

Ein athugasemd

Ellefta Klausturskeppnin fór fram í landi Ásgarðs við Kirkjubæjarklaustur í gær, 25. maí.

klaustur 1Keppt er í 6 klukkutíma þar sem keppendur taka þátt í tveggja og þriggja manna liðum auk Járnkallaflokki þar sem keppandi keyrir einn allan tímann. Keppendur voru ríflega 300 í ár í 162 liðum. Á föstudaginn hellirigndi á svæðinu og stefndi í netta drullukeppni á laugardag. Enduroguðinn var þó með okkur í liði og á laugardagsmorguninn var komin glampandi sól og létt gola, fullkomið veður, frábært og ekkert ryk í brautinni. Rigningin virðist þó hafa fælt einhverja frá því talsvert mörg lið létu ekki sjá sig og misstu af einhverri skemmtilegustu keppni sem við höfum haldið.

Keppnin fór fram í landi Ásgarðs en ábúendur þar þau Eyþór og Þóra ásamt Herði syni þeirra og Grétur systur Þóru ásamt Guðmundi Vigni og Auði í Skaftárskála hafa tekið frábærlega á móti okkur og við getum hreinlega ekki þakkað þeim nægilega vel fyrir samstarfið. Og ekki má gleyma snillingnum Kjartani sem á heiðurinn af upphafi keppninnar en hann hefur verið óþreytandi í brautarlagningu og alls konar útréttingum á staðnum. Takk öll saman!

Þrír keppendur urðu fyrir meiðslum og voru tveir fluttir með þyrlu til Reykjavíkur til nánari skoðunar. Annar er enn á gjörgæslu og verður til morguns til öryggis, hann reyndist með marið milta og verður því á spítala undir eftirliti næstu daga. Hinn er á almennri deild en hann braut 3 rif og marðist einnig innvortis. Hann á þó að  útskrifast á morgun enda annálað hörkutól. Meiðsl þriðja mannsins voru ekki alvarleg.

Eftir mikla baráttu og gríðarlega góðan akstur voru það þeir Viktor Guðbergsson og Sölvi Borgar Sveinsson sem stóðu uppi sem heildarsigurvegarar dagsins. Járnkallinn 2013 er Jónas Stefánsson. Önnur úrslit urðu sem hér segir:

Lesa áfram Frábærri keppni lokið á Klaustri →