Greinasafn fyrir flokkinn: Keppnir

Hér er allt um keppnir, keppnishald og úrslit

Keppendalistinn á Klaustri 2015

26. maí, 2015 Keli Færðu inn athugasemd

Góðir hálsar, gleðin er skammt undan og hér er keppendalistinn sem margir hafa beðið eftir með óþreyju. Aron Berg Pálsson sigraði skráningarkeppnina í ár – líklega annað árið í röð, geri aðrir betur! „Skráningardeild VÍK“ aka Einar Sverrisson hefur legið yfir listanum í allan dag og lagað þær skráningar sem óskað var eftir og fundið út úr þeim fjölmörgu sem „gleymdu“ að skrá keppnisfélagann í hasarnum í skráningunni. Enn vantar þó nafn og upplýsingar um tvo keppendur á listann og væri gott að fá upplýsingar um þau sem allra fyrst!

Fjöldi keppenda er rétt yfir 200 í þetta skiptið og þó það hefði verið gaman að sjá fleiri þá munu eftirtaldir vonandi skemmta sér konunglega. Brautin var amk. merkt um helgina og er í sínu albesta formi. Listinn er hér fyrir neðan – skoðun hefst svo hjá BogL á morgun miðvikudag kl. 18.15. Sjáumst þar. Lesa áfram Keppendalistinn á Klaustri 2015 →

Fréttir, Keppnir

Klaustur 2015. SKOÐUN

26. maí, 2015 Stjórn VÍK Færðu inn athugasemd

Á morgun, Miðvikudaginn 27. maí verður skoðun hjóla/hjálma og afhending rásnúmera fyrir keppendur.

Skoðunin verður í húsnæði BL að Sævarhöfða.

Skoðunin hefst kl 18:15 og hvetjum við alla sem mögulega hafa tök á að koma og klára skoðun og skráningu á morgun. Það léttir mjög á okkur þar sem verkefnin á Klaustri er mörg og mannskapur af skornum skammti.

Hjól þurfa að uppfylla eftirfarandi fyrir skoðun:

Vera algjörlega skaðlaus gagnvart öðrum keppendum:

Grip/ höldur skulu vera heilar á endum.

Kúpplings og bremsu handföng óbrotin eða teipuð á enda ( Kúla )

Öll plöst heil og engir aukahlutir á hjóli sem geta skaðað aðra keppendur.

Hjólalegur í lagi.

Bremsur skulu virka fullkomlega að framan sem og að aftan.

Hjálmar meiga ekki vera með rispur sem ná inn fyrir lakkið.

Keppendur þurfa að uppfylla eftirfarandi skilyrði:

Ökuskírteini og eða ÞÁTTÖKUYFIRLÝSING :

Tryggingastaðfestingu með tryggingaviðauka og skráningar pappíra / skráningarnúmer fyrir ökutækinu.

Kvittun fyrir greiðslu félagsgjalda í MX eða Endúróklúbb innan MSÍ

Ef upp hefur komið vandamál vegna greiðslu keppnisgjalda væri gott að koma með kvittun/ afrit fyrir greiðslu.

Endúró, Félagsstarf, Fréttir, Klaustur

OKKUR VANTAR AÐSTOÐ

15. maí, 2015 Stjórn VÍK Færðu inn athugasemd

Okkur vantar ennþá viljuga til að hjálpa okkur í brautargæslu. Á morgun, Laugardaginn 16. Maí vantar okkur enn amk þrjá til að vinna með okkur.

Okkur vantar brautarverði í Enduro CC laugardaginn 16. Maí. Þarna er mjög gott að koma inn í sportið og fá að eiga góðan tíma með skemmtilegu fólki og enn fremur að fá að aka um þetta svæði.

Okkur vantar brautarverði í Klausturskeppnina laugardaginn 30. Maí. Þurfum varla að ræða þetta 🙂 svæðið er geggjað, skemmtunin frábær. Við sköffum bensín á hjólin, mat í tunnuna og hamborgara í eftirrétt.

Áhugasamir vinsamlegast sendið póst á vik@motocross.is Gott væri ef hægt er að taka fram nafn, aldur og símanúmer. Einnig má hringja í Óla S: 6903500

Félagsstarf, Fréttir, Klaustur

Klaustur 2015

23. apríl, 2015 Stjórn VÍK Færðu inn athugasemd

Það er ekki hlaupið að því að græja svo stóra keppni sem Klausturskeppnin er. Margar sjálfboðahendur þurfa að koma þar að svo dæmið gangi upp. Á Klaustri er hópur vaskra sjálfboðalið sem fer hreint hamförum um svæðið þessa dagana í að breyta og bæta brautina undir stjórn Kjartans Kjartanssonar. Í fyrra var byrjað á því að snapa saman brotnum og gömlum vegstikum sem Vegagerðin hefur ánafnað okkur. Þar sem almenn bjarsýni er innan hópsins, sem kemur að keppninni, töldum við í upphafi að „slatti“ af stikum væri næginlegt til að merkja upp brautina. En bjartsýni dugar víst ekki ein og sér til að merkja alla þessa kílómetra. Sem betur fer eigum við góða að og vonumst við til að það efni sem næst að snapa saman á þessu ári fari langt með merkingar á brautinni. Amk þá er stefnt á að allir nýjir kaflar verði merktir með plasstikunum. Nýjasti skammturinn sem við fengum er nú hjá yfirsmiðnum okkar honum Pálmari P sem mun rista þær í tvennt til að auka magnið.

Dágóður skammtur sem dugar þó bara í smá part af brautinni. Það þarf nokkur þúsund stykki til að allt gangi upp.

Á þessari mynd sést hversu vel brautarmerkingarnar sjást með þessum stikum. Kjartan og félagar eru að vinna kraftaverk.

Fréttir, Klaustur

ENDURO – KLAUSTUR 2015. SKRÁNING

7. apríl, 2015 Stjórn VÍK Færðu inn athugasemd

Það er komið að því sem margir hafa beðið eftir með óþreyju. Skráning í Klausturskeppnina hefst nk.

miðvikudagskvöld kl. 20 á vef MSÍ – Það er á morgun 08.04.2015

Fyrstir koma – fyrstir fá og því hefst keppnin strax á miðvikudagskvöldið! Hverjir verða á fremstu línu?

Raðað verður á línur eftir flokkum í þetta sinn og verður tvímenningur fremstur, síðan járnkarlar, aðrir flokkar og aftast þrímenningur.

Keppnin fer fram 30. maí. Keppnisgjald er, 14.000 kr. á mann. Flokkar eru þeir sömu og 2014.

Þeir sem skrá lið til keppni verða að vera með nafn og kennitölu liðsfélaganna á hreinu og skrá þá inn um

leið til að létta á “skráningardeildinni” síðar.

Eftirfarandi flokkar eru í boði. Vinsamlegast vandið valið!!

Tvímenningur

Járnkarlinn

Járnkerlan

Paraflokkur

Afhvæmaflokkur

Kvennaflokkur

Þrímenningur

90+ flokkur

100 + Flokkur

110 + Flokkur

135 + Flokkur

150 + flokkur

Þetta þarftu að hafa á hreinu:

VERA SKRÁÐUR OG GREIDDUR Í MX EÐA ENDUROKLÚBB INNAN MSÍ.

1. Skráning fer fram á www.msisport.is undir Mótaskrá og Klaustur 2014

2. Þú þarft að vita notendanafn og lykilorð til að geta skráð þig inn á síðuna og skráð þig og félagana til

keppni.

3. Velja Klaustur 2014 og viðeigandi flokk, Járnkall, tvímenning, þrímenning osfrv.

4. Ef þú keppir í tveggja eða þriggja manna liði skráirðu NAFN og KENNITÖLU liðsfélaganna ÁÐUR en þú

ferð í að samþykkja keppnisyfirlýsinguna og borga.

5. Þessu næst áttu að geta borgað og klárað skráninguna

6. Ef þú lendir í vandræðum með innskráninguna heldurðu ró þinni, sendir póst á vik@motocross.is og við reynum að hjálpa þér

Góða skemmtun

Stjórn VÍK

Félagsstarf, Fréttir, Klaustur

ENDURO – KLAUSTUR 2015

31. mars, 2015 Stjórn VÍK Færðu inn athugasemd

Það styttist í skráningu í ENDURO – KLAUSTUR 2015.

ERTU BÚINN AÐ GRÆJA FÉLAGSGJÖLDIN? SKRÁNINGARSÍÐA HÉR

ERTU EKKI ÖRUGGLEGA MEÐ AÐGANG AÐ www.msisport.is INNSKRÁNINGU?

NÁNARI UPPÝSINGAR UM KEPPNINA OG KOSTNAÐ VERÐA BIRTA HÉR Á SÍÐUNNI 07.04.2015.

Vélhjólaíþróttaklúbburinn