Mótorhjóla- og snjósleðaíþróttasamband Íslands (MSÍ) hefur valið fyrsta landsliðið í motocrossi sem mun taka þátt í Motocross of Nations í Bandaríkjunum í 22. og 23. september. Þetta er í fyrsta sinn sem Ísland sendir landslið í akstursíþróttum útfyrir landssteinana en MSÍ fékk í vor inngöngu í Alþjóðlega mótorhjóla og snjósleðasambandið FIM.
Motocross of Nations er stærsta motocrosskeppni sem keppt er í. Þykir mikil viðurkenning að sigra keppnina en keppt í 3 flokkum og er einn keppandi í hverjum flokki. MX1 er flokkur 450cc hjóla, MX2 er flokkur 250cc hjóla og svo er opinn flokkur.
Eftirfarandi keppendur voru valdir:
MX1 Valdimar Þórðarson á Yamaha hjóli
MX2 Aron Ómarsson á KTM hjóli
Open Einar Sverrir Sigurðarson á KTM hjóli
Liðsstjóri er Hákon Orri Ásgeirsson
Heimasíða hefur verið opnuð fyrir liðið og Motocross of nations. Lénið er http://mxon.motocross.is
Verið er að kanna áhuga manna á að fara til Budds Creek í USA til að horfa á íslenska landsliðið í motocrossi etja kappi við allar helstu hetjur heimsins í motocrossi. Keppnin er Motocross of Nations og fer hún fram dagana 22. – 23. september 2007.
MSÍ hélt í gær fyrsta landsliðsfundinn sem undirbúning fyrir Motocross of Nations. Mættir voru þeir 10 sem valdir voru um daginn í hópinn og rætt var um framkvæmd og ýmislegt annað sem viðkemur vali á landsliðinu.
Bandaríkamenn sigruðu Motocross of nations þrátt fyrir að hafa ekki unnið eitt einasta móto um helgina. USA varð sigursælasta lið sögunnar í Mxon, en sá sem stóð sig einna best var Stefan Everts, en hann var sá eini sem vann tvöfalt. Lið USA var firnasterkt og það var aðeins í einu mótoi sem þeir náðu ekki á pall, en það var Ivan Tedesco sem klikkaði í síðasta mótoinu. Það voru Carmichael, Stewart og Tedesco sem skipuðu Bandaríska liðið, en þeir höfðu 7 stiga forystu á Belgíu sem var í öðru sæti. Belgíska liðið var skipað af Everts, Ramon og Strjibos. Nýsjálendingar höfnuðu svo í þriðja.