Jónas Stefánsson var með myndavélina á lofti á MXON og hér er flott grein af blogginu hans í heilu lagi:

Þá er Motocross of Nations 2011 afstaðið og þvílíka spennan sem var í dag ! Dagurinn byrjaði á æfingum hjá öllum, fyrst B og svo A næst þar á eftir. Eftir æfingarnar var svo komið að íslensku strákunum að standa sig í B-úrslitum.

B-úrslitin fóru af stað og Kári Jóns byrjaði með rosa flottu starti, eftir fyrsta hring var hann um miðjan hóp en Viktor og Eyþór höfðu báðir lent í einhverju niggi og voru dottnir aðeins aftur úr. Viktor keyrði sig helling í gang og Eyþór komst í gírinn rétt seinna. Það endaði með því að Viktor kláraði efstur af Íslendingunum í 27. sæti, Eyþór næstur þar á eftir í 28. sæti og loks Kári  í 29. sæti sem missti hina báða framúr sér eftir eitthvað smávægilegt klúður á síðustu hringjunum. Semsagt fínn árángur hjá strákunum og auðvitað bullandi reynsla fyrir þá alla.

Lesa áfram MXON 2011 frá Jonni.is →

Ameríska liðið sýndi enn einu sinni að þeir eru besta motocrossþjóð í heimi eftir sigur sinn í Motocross of Nations í dag. Þeir þurftu þó á öllu sínu besta að halda því fyrir síðasta mótóið var Franska liðið í forystu. Þeir stóðust pressuna eins og undanfarin ár en þegar hinn franski Christoph Pourcel datt í síðasta motoinu var sigurinn vís fyrir kanana. Þeir unnu aðeins eitt moto en góður akstur hjá Villopoto og Dungey var grunnurinn að sigrinum. Nýliðinn Baggett náði aðeins 17 og 17. sæti  og þeir náðu samt sinni  7. keppni í röð.

Franska liðið mætti feykisterkt til leiks, ástralska liðið var gott og hinn þýski Ken Roczen er á góðri leið með að verða bestur í heimi.  Miklar sviptingar voru annars í öllum motoum. Ástralska liðið, með Chad Reed í fararbroddi, náði bronsinu en það er þeirra besti árangur í keppninni.

Lesa áfram Ameríkanarnir óstöðvandi →