Greinasafn fyrir flokkinn: Motocross

Segir sig sjálft…motocross

Fréttir, Motocross

1. Apríl. Góður hjóladagur. Ekki spurning.

Færðu inn athugasemd
Spennt mæðgin að græja sig fyrir átök dagsins.

Í brautinni hjá Þorláki var slatti af fólki, en þó ekki eins mikið og hefði mátt gera ráð fyrir svona í byrjun páskahelgarinnar. Það skemmdi þó ekki gleðina fyrir þeim sem mættu. Crossbrautin var í „keppnis“ standi og var mjög fínt að æfa sig við þessar aðstæður. Það var auðséð á mörgum að hæfileikarnir hafa fengið að rykfalla í vetur, en það slípaðist vel til hjá flestum. Endurobrautin þótti í fínu standi og var tekið vel á henni af þeim sem þar hjóluðu.

Miðað við veðurspá er Þorlákshafnarbrautin eina notahæfa brautin hér á Stórhöfuðborgarsvæðinu. Ekki er vitað hvernig Ólafsvíkurbrautin er en miðað við þá reynslu sem greinarhöfundur hefur að þeirri braut, þá er ansi kalt og hvast í norðanátt eins og nú er.

Vonandi skemmti þið ykkur vel, fullt rör og engar bremsur. Lesa áfram 1. Apríl. Góður hjóladagur. Ekki spurning. →

Endúró, Félagsstarf, Fréttir, Motocross

Viðhaldsnámskeið VÍK, FRESTAÐ!!!

3. hluti viðhaldsnámskeiðs VÍK sem var dagsett á morgun, Miðvikudaginn 31.03.2010. Frestast  til Miðvikudagsins 07.04.2010.  Þetta gerum við vegna þess að margir eiga ekki heimagengt annað kvöld.

Vonandi veldur þetta ekki óþægindum fyrir ykkur.

MBK

Óli Gísla

35+, Fréttir, Motocross, Skemmtiefni

Áritun í Kringlunni í dag kl 16

Færðu inn athugasemd
Ragnar Ingi á hátindi ferilsins

Í tilefni af 30 ára farsælum keppnisferli mun Ragnar Ingi Stefánsson, nífaldur Íslandsmeistari í Motocross gefa góð ráð og veita eiginhandaráritanir í Kringlunni kl. 16 í dag á annarri hæð fyrir framan Hagkaup. Einnig mun Ragnar fara yfir ferilinn í máli og myndum, stilla sér upp í myndatökur og gefa plaköt og póstkort.

Missið ekki af einstöku tækifæri til þess að hitta eina af skærustu stjörnu Íslands í eigin persónu.

Ástand brauta, Fréttir, Motocross

Frábært veður í dag – Bolaöldubrautin opin í kvöld frá kl. 18

Garðar var að hafa samband og vill opna brautina í kvöld kl. 18. Um síðustu helgi var unnið lítillega í henni og hún ætti því að vera orðin klár í opnun í dag. Um helgina er spáð frosti og meiri vindi þannig að besti sénsinn sem við eigum er í kvöld. Þeir sem geta mætt kl. 16 og aðstoðað við að laga til á svæðinu og grjóthreinsa, keyra frítt eftir kl. 18 – bara að melda sig við Garðar um leið og þið komið. Miðarnir fást í Olís og kaffistofunni – góða skemmtun.

Endúró, Félagsstarf, Fréttir, Motocross

Viðhaldsnámskeið VÍK

Einar Sig að sýna hvernig hægt er að gera við göt á vélarhlífum.

 2. Hluti viðhaldsnámskeiðs VÍK fór fram á Bifreiðaverkstæði Reykjavíkur í gærkvöldi. Mjög góð mæting var á námskeiðið og hægt er að fullyrða að fólk fékk vel fyrir peninginn. Einar Sig og Einar Sverris sáu um að troða inn í fólk eins mikilli visku og hægt var á tveimur klst. Einar Sig kenndi allt um kúpplingar og ventlastillingar á meðan Einar Sv kenndi allt um umhirðu og stillingar á börkum. Einnig var Einar Sv með fyrirlestur í umhverfisvænum hreinsiefnum fyrir loftsíur. Í lokin fengu allir að sjá hluta af verkfæraúrvali sem er í boði frá MX Sport. Lesa áfram Viðhaldsnámskeið VÍK →