Greinasafn fyrir flokkinn: Motocross

Segir sig sjálft…motocross

Fréttir, Keppnir, Motocross

Kreppukeppnin í dag

Færðu inn athugasemd

Nú er tilvalið að rífa sig framúr í blíðunni og skella sér á kreppukeppni, bara að taka með vettlinga og hlý föt. Keppnin byrjar klukkan 12.00. Smellið hér fyrir leiðarlýsingu að brautinni í Þorlákshöfn

Dagskráin er sirka svona:

  • skoðun kl. 10,
  • opin æfing/tímataka ca. 10:30 – 11:30
  • moto 1 – 85cc og kvenna 12:00  12 mín +2 hringir
  • moto 1 – allir hinir 12:25 15 mín + 2 hringir
  • moto 2 – 85 cc. og kvenna 13:00 12 mín + 2 hringir
  • moto 2 – allir hinir 13:25 15 mín + 2 hringir
  • verðlaunaafhending fljótlega eftir að síðasta motoi lýkur

Keppnir, Motocross, MSÍ, Stelpur, Unglingar

Kreppukeppni 24.okt

3 athugasemdir

Vélhjóladeild ungmennafélagsins Þórs í Þorlákshöfn hefur ákveðið að halda motocrosskeppni þann 24.október næstkomandi. Keppnin ber heitir „Kreppukeppni“ og er þetta annað árið í röð sem keppnin fer fram. Eins og nafnið gefur til kynna er þetta allt á léttu nótunum en einnig eru vinningarnir rausnarlegir og nytsamlegir, ekki stórir bikarar heldur eitthvað ætilegt.

Keppnin verður með svipuðu sniði og í fyrra, keppt í fullt af flokkum og léttleikinn í fyrirrúmi. Skráning opnar á vef MSÍ fljótlega og dagskráin verður auglýst nánar hér á vefnum.

Fyrir þá sem ekki vita er frábær motocrossbraut rétt við Þorlákshöfn sem er nothæf nánast allt árið þar sem snjólétt er á svæðinu og sandurinn í henni tilvalinn í akstur þó svo að það sé létt frost. Smellið hér fyrir nánari upplýsingar um brautina.

Fréttir, MotoMos, MXoN

Ný forsíðumynd

Færðu inn athugasemd

Viktor Guðbergsson landsliðsmaður í motocrossi er á forsíðunni að þessu sinni. Myndin er tekin á æfingu í Mantova fyrir MXoN á Ítalíu af Magnúsi Þ. Sveinssyni.

MXoN, Netviðtalið

Stefnan tekin uppávið

Færðu inn athugasemd
img_5270
Stefán Gunnarsson landsliðseinvaldur kemur skilaboðum til sinna manna

Íslenska landsliðið í motocrossi er nýkomið heim frá Ítalíu eftir að hafa keppt á Motocross of Nations eins og lesendur síðunnar ættu að vita. Þetta er í þriðja sinn sem Ísland tekur þátt í keppninni en fyrsta skiptið sem Stefán er landsliðseinvaldur. Við slóum á þráðinn til Stefáns og spjölluðum aðeins við hann.

Sæll Stefán og velkominn heim. Hvernig er þetta ferli búið að vera?

Þetta byrjaði bara strax í ágúst þegar við völdum liðið og þá fór allt í gang. Við þurftum að útvega kostendur, flutning, flug, galla, límmiðasett og allt sem þessu fylgir þannig að við hittum keppendurnar og aðstandendur þeirra og skiptum með okkur verkum. Samstarftið gekk bara vel og þetta small allt.

Lesa áfram Stefnan tekin uppávið →

MXoN

Bandaríkjamenn vinna MXoN í tuttugasta sinn

Færðu inn athugasemd

Bandaríkjamenn unnu MXoN í fimmta sinn í röð og í tuttugasta skipti alls nú í dag. Mikil spenna var fyrir síðasta motoið þar sem Frakkar, Bandaríkjamenn og Ítalir áttu mesta möguleika, en óhöpp á startkaflanum og í þriðju beygju eyðilögðu vonir evrópubúanna.

Bandaríkjamenn sendu aðeins einn reyndan kappa í keppnina og svo tvo táninga en það kom ekki að sök, þeir keyrðu jafnast og hlutu 22 stig en Frakkar fengu 30 stig, Belgar urðu þriðju með 39 stig.

Roger DeCoster liðstjóri USA lyfti því Chamberlain bikarnum í tuttugasta sinn í dag, en hann hefur verið liðstjóri síðustu 25 ár eða svo.

Næsta keppni verður í Denver, Colorado í Bandaríkjunum eftir nákvæmlega eitt ár.

MXoN

Ísland í 30.sæti á MXoN

4 athugasemdir

icelandÍslenska landsliðið í motocrossi lenti í 11.sæti í B-úrslitum á Motocross of Nations í dag. Það voru 36 þjóðir sem kepptu á leikunum og því var lokaniðurstaðan 30.sæti.

Aron Ómarsson náði bestum árangri íslenska liðsins en hann endaði í 22.sæti af 39 keppendum í B-úrslitunum. Viktor Guðbergsson varð í 24.sæti og Gunnlaugur Karlsson var í 27.sæti en hann datt snemma í keppninni og vann sig vel upp.

Nánari lýsingar frá keppninni og myndir koma hér á vefinn síðar í dag.

Við minnum á beinu útsendinguna sem fer fram hér af A-úrslitunum.