Greinasafn fyrir flokkinn: Motocross

Segir sig sjálft…motocross

Fréttir, MXoN

Haldið til Ameríku

Færðu inn athugasemd
Landsliðið í motocrossi er í þann mund að leggja af stað til  Budds Creek í Ameríku. Þeir héldu blaðamannafund í morgun þar sem liðið og keppnin voru kynnt.  Liðið mun vera í æfingabúðum í Pennsylvaniu í viku og halda svo til Budds Creek í Maryland fylki fyrir keppni.
Kostendur liðsins eru 
Össur hf. kynnir með liðinu nýja fullkomna CTi spelku sem er í senn glæsileg og ódýr.
Shell Advance mótorhjólaolíur
Pepsi Max
HH Verktakar
Púkinn.com útvegar liðinu keppnisgalla frá Thor

Liðið skipa eins og menn vita:

Einar Sigurðarson #112, KTM 505
Aron Ómarsson #111, Kawasaki KXF 250
Valdimar Þórðarson #110, Yamaha YZF450

Við á motocross.is óskum þeim góðrar ferðar og gangi þeim vel 

Lesa áfram Haldið til Ameríku →

Fréttir, MXoN

Umfjöllun í Blaðinu

Færðu inn athugasemd

Í blaðinu í dag er fín umfjöllun um strákana okkar sem eru að fara á Motoc­ross des Nations, eða eins og segir þar:
Ný­stofnað lands­lið Ís­lands í mótocrossi heldur í kvöld áleiðis til Maryland í Bandaríkj­unum en þar fer fram eftir rúma viku ein helsta alþjóðlega keppni ökuþóra á mótorkross­hjólum, Motoc­ross des Nations. Þrír kappar keppa þar fyrir lands­ins hönd og ætla sér langt. … sjá grein
Lesa áfram Umfjöllun í Blaðinu →

Fréttir, MXoN

Vélhjóladeild Þórs styrkir landsliðið

Færðu inn athugasemd

Vélhjóladeild Þórs í Þorlákshöfn ákvað að styrkja landsliðið sem er að fara á MXON á fimmtudaginn, fengum við þá félaga í heimsókn til okkar í gærkvöldi.
Þar voru þeim afhent árskort í Motocrossbrautina í Þorlákshöfn og þar sem Valdi er heiðursfélagi í Vélhjóladeild Þórs fékk hann einnig fjárstyrk frá okkur. Við óskum þeim góðs gengis í keppninni og góðrar ferðar út til Ameríku.
Stjórn vélhjóladeildar Þórs Þorlákshöfn
Lesa áfram Vélhjóladeild Þórs styrkir landsliðið →

Aðsendar greinar, Fréttir, MXoN

Frá Kára Jónssyni

Færðu inn athugasemd

Frá Kára Jónssyni #46, Íslandsmeistara síðustu tveggja ára í enduró meistaradeild  

Því miður verð ég að láta mér nægja að vera áhorfandi á lokamóti sumarsins í enduro og mótokrossi. Mér tókst að brjóta á mér hægri löppina í júlí og er enn í gifsi, sem fer ekkert sérstaklega vel á mótorhjóli. Fyrir lokakeppnina er ég efstur að stigum og verð því að  sætta mig við að verja ekki íslandsmeistaratitilinn í þetta sinn.  

TM 250 hjólið sem ég keppti á í sumar er langbesta TM hjólið sem ég hef átt og átti ég bara eftir að ná meiru út úr því.  

Ég hef heyrt að brautin sé krefjandi og skemmtileg með mörgum erfiðum enduro þrautum sem er eitthvað sem ég hefði ekki viljað missa af.   

Ég vil þakka styrktaraðilum mínum, JHM Sport, TM Racing, Merrild, Pepsi Max, Orkuverinu, Garmini og Goða fyrir frábæran stuðning og skilning á mínum aðstæðum. Auk þess vil ég vil þakka þeim sem ég hef keppt við í sumar góða og drengilega keppni og hlakka til að óska nýjum Íslandsmeistara til hamingju með titilinn.

Lesa áfram Frá Kára Jónssyni →

Fréttir, Motocross, MXoN

Fyrsta landslið Íslands í motocrossi valið

Færðu inn athugasemd

Mótorhjóla- og snjósleðaíþróttasamband Íslands (MSÍ) hefur valið fyrsta landsliðið í motocrossi sem mun taka þátt í Motocross of Nations í Bandaríkjunum í 22. og 23. september. Þetta er í fyrsta sinn sem Ísland sendir landslið í akstursíþróttum útfyrir landssteinana en MSÍ fékk í vor inngöngu í Alþjóðlega mótorhjóla og snjósleðasambandið FIM.
Motocross of Nations er stærsta motocrosskeppni sem keppt er í. Þykir mikil viðurkenning að sigra keppnina en keppt í 3 flokkum og er einn keppandi í hverjum flokki. MX1 er flokkur 450cc hjóla, MX2 er flokkur 250cc hjóla og svo er opinn flokkur.

Eftirfarandi keppendur voru valdir:

MX1 Valdimar Þórðarson á Yamaha hjóli
MX2 Aron Ómarsson á KTM hjóli
Open Einar Sverrir Sigurðarson á KTM hjóli

Liðsstjóri er Hákon Orri Ásgeirsson

Heimasíða hefur verið opnuð fyrir liðið og Motocross of nations. Lénið er http://mxon.motocross.is