Í dag fór fram val á íþróttamanni Mosfellsbæjar,  þar fengum við mótorhjólamenn í Mosó nokkrar viðurkenningar. Gunnlaugur Karlsson fyrir Íslandsmeistaratitil í MX2,  Ásgeir Elíasson fyrir Íslandsmeistaratitil í tvímenning í enduro,  Valdimar Þórðarson fyrir Íslandsmeistaratitil í  enduro og einnig fyrir að hafa verið valinn í landsliðið sem fór á MXON, og Friðgeir Óli Guðnason var valinn efnilegasti ökumaðurinn undir 16 ára og síðast en ekki síst,  Einar Sv. Sigurðarson fyrir í íslandsmeistaratitil í motocrossi MX1, og einnig fyrir að hafa verið valinn í landsliðið sem fór á MXON.   Einar var einnig tilnefndur sem íþróttamaður Mosfellsbæjar fyrir hönd MotoMos og var hann einn af 7 íþróttamönnum bæjarins sem komu til greina, sem verður að teljast mikill heiður og viðurkenning á okkar sporti.   Til hamingju með þennan frábæra árangur strákar.

Þann 17 júní kl 12:00 mun brautin okkar verða opnuð með viðhöfn og verður af því tilefni eitthvert „húllumhæ“ og eru allir velkomnir, opið verður fram til kl 21:00.

Selt verður í brautina á staðnum (kort og seðlar) og er miðaverð er eftirfarandi, félagsmenn MotoMos kr 1.500,- utanfélagsmenn 2.000,- lítil hjól 500,-.

Árskort og fleiri spennandi hlutir í starfi félagsins verða kynntir á næstu dögum hér á heimasíðu félagsins, ljóst er að ef fram fer sem horfir mun mikið verða af skemmtilegum hlutum að gerast fyrir félagsmenn í sumar.

Viljum við hvetja alla sem áhuga hafa á hjólamennsku að drífa sig í því að ganga í félagið, hér til hliðar eru upplýsingar um aðild og annað sem að gagni má koma.
Hægt verður að skrá sig í félagið á staðnum.

Að lokum viljum við ítreka þakkir okkar til allra þeirra sem hafa lagt hönd á plóg við gerð brautarinnar, sérstakar þakkir fá Eysteinn hjá Suðurverk og Þórir „sívinnandi“. Félag með menn eins og þessa og fleiri innanborðs getur flutt fjöll, enda er bókstaflega búið að gera það.

Einnig viljum við þakka Mosfellsbæ og öðrum sem hafa aðstoðað okkur og styrkt á ýmsan hátt.