Fulltrúar Vélhjólaíþróttaklúbbsins afhentu í gær fjárhæð þá er meðlimir og aðrir velviljar Brynju Hlífar Hjaltadóttur söfnuðu saman á dögunum. Styrknum var safnað saman af nokkrum aðilum en stærsti hlutinn kom inn með styrktarkeppninni sem VÍK hélt í Kópavogi fyrir tveimur vikum þar sem um 80 manns kepptu og lögðu sitt af mörkum með keppnisgjöldum og varning sem seldur var á staðnum. Sama dag stóð CrossfitReykjavík fyrir söfnun líka sem fram fór með þeim hætti að meðlimir stöðvarinar tóku svokallað Brynjuwod og lögðu svo til frjáls framlög til styrktar Brynju. MSÍ lagði söfnuninni líka til rausnarlegt framlag og einnig var Björk Erlingsdóttir mjög dugleg að safna fyrir vinkonu sína með sölu á varning og söfnun framlaga. Samtals söfnuðust 780.000 kr. sem afhentar voru Brynju í gær  á Grensásdeild þar sem hún liggur nú eftir slysið. Brynja og foreldrar hennar vilja koma innilegum þökkum til allra er lögðust á eitt við að styðja þau á þessum erfiða tímapunkti og vonandi fáum við jákvæðar fréttir af Brynju fljótlega.

Krakkakeppni sem átti að vera um helgina frestast um viku og verður því sunnudaginn 16. nóvember. Reiðhöllin er bókuð á sunnudag þegar æfingar eiga að vera og því ekki hægt að halda hefðbundna æfingu. Því ætlum við að hittast í Söngskóla Maríu Bjarkar, Fákafeni 11, panta pizzu og horfa á Monster Energy Cup sem fram fór í Las Vegas fyrir nokkru.

Mæting er í Söngskólann kl 17 fyrir alla.

Hlökkum til að sjá ykkur!

Gulli, Helgi Már og Össi

Jæja, það hefur líklegast ekki farið framhjá neinum að tímabilið er senn á enda hjá okkur drullumöllurunum og munum við gera upp árið með pompi og prakt næstu helgi, þann 8 nóvember en þá fer fram uppskeruhátíð MSÍ á Rúbín eins og síðustu ár. Að vanda verður Maggi með frábær skemmtiatriði og hafa þau ávallt slegið í gegn. Nú fer hver að verða síðastur að tryggja sér miða en hægt er að kaupa miða inn á vef MSÍ, www.msisport.is. Fyrir þá sem ekki eru í aðstöðu til að versla á netinu að þá geta þeir keypt miða í Nitró hjá honum Magga. Ef fólk vill láta taka frá fyrir sig borð, þ.e. sitja saman, að þá þarf að láta Björk (brjáluðu Bínu) vita á netfangið bjorkerlings@live.com eða senda henni upplýsingarnar um fjölda í gegnum fésið.

En víkjum nú að listanum yfir þá keppendur sem fá verðlaun í ár í motocrossi og enduro, ef einhver skildi vera búin að gleyma því, en hér er heildarlisti verðlaunahafa eftir greinum og flokkum. ATH! Að því miður að þá voru nokkrir flokkar sem duttu út þar sem lágmarka fjölda var ekki náð varðandi skráningu en sem betur fer voru það ekki margir flokkar þetta árið og það sem meira er, liðakeppnin fór aftur í gang og verða Íslandsmeistarar liða krýndir aftur eftir þriggja ára fjarveru. Það er frábært að fá liðakeppnina aftur í gang og mikil gleði sem fylgir þeim verðlaunum. Hér er svo listinn eftir flokkum.

Motocross:

• 85 flokkur

1. Elmar Dalli Vilhelmsson #245
2. Víðir Tristan Víðisson #99
3. Axel Orri Arnarsson #258
   • Kvennaflokkur
4. Aníta Haukdsóttir #31
5. Gyða Dögg Heiðarsdóttir #42
6. Björk Erlingsdóttir #98
   • Unglingaflokkur
7. Óliver Örn Sverrisson #27
8. Hlynur Örn Hrafnkelsson #13
9. Viggó Smári Pétursson #20
   • 40+
10. Heiðar Örn Sverrisson #41
11. Haukur Þorsteinsson #10
12. Gunnlaugur Rafn Björnsson #757
    • MX2
13. Eyþór Reynisson #11
14. Guðbjartur Magnússon #12
15. Haraldur Björnsson #82
    • MX Open
16. Eyþór Reynisson #11
17. Sölvi Borgar Sveinsson #15
18. Guðbjartur Magnússon #12

Enduro (GFH):

• 19 – 39 ára flokkur

1. Geir Guðlaugsson 149
2. Pétur Smárason #35
3. Eyþór Gunnarsson #260
   • 40 – 49 ára flokkur
4. Gunnlaugur Rafn Björnsson #757
5. Þorgeir Ólason #67
6. Leifur Þorvaldsson #36
   • Tvímenningur
7. Haraldur Björnsson og Ármann Örn Sigursteinsson
8. Einar Sigurðsson og Bjarki Sigurðsson
9. Helgi Már Hrafnkelsson og Hlynur Örn Hrafnkelsson
   • Meistaraflokkur
10. Valdimar Þórðarson #270
11. Guðbjartur magnússon #12
12. Eyþór Reynisson #11

Liðakeppni – Motocross:

• MX Open

1. Team Merkistofan Megapíp
   • Sölvi Borgar Sveinsson #15
   • Guðbjartur Magnússon #12
   • Jóhann Ögri Elvarsson #17

• MX Unglinga

1. Team KTM Redbull
   • Baldvin Egill Baldvinsson #
   • Sebastian Georg Arnfjörð Vignisson #18
   • Hlynur Örn Hrafnkelsson #13

• Kvennaflokkur

1. Nitró Kawasaki 1
   • Aníta Hauksdóttir #31
   • Gyða Dögg Heiðarsdóttir #42
   • Ragna Steinun Arnardóttir #449

Ekki eru fleiri lið þar sem skráning var ekki næg til að þau myndu gilda til Íslandsmeistara en lágmark þarf þrjú lið í hvern flokk svo hann teljist gildur.  Nýliðar og akstursíþróttafólk ársins verður jafnframt kynnt á laugardaginn en að sjálfsögðu liggur mikil leynd yfir því hverjir hinu útvöldu eru.

Nú er bara að kveðja þetta ár með stæl, panta miða á vef MSÍ, www.msisport.is, eða koma við hjá Magga í Nitró og tryggja sér miða fyrir skemmtilegustu árshátíð ársins.

SJÁUMST HRESS Á RÚBÍN Á LAUGARDAGINN!

Það er ekki skafið af strákunum okkar. Þeir eru að meika það hægri og vinstri í ameríkuhreppi. Kári Jóns #46 var rétt stiginn af hjólinu þegar Raggi #O fór hamförum í Glen Helen brautinni. Við eru sko ekki að tala um að hann hafi bara verið með!!! Nei miklu, miklu meira nei bara það, hann rakaði inn verðlaunum í sínum flokki.

Kappinn komst meira að segja á blað í úrslitakeppninni: Other notables: 11. Dave Fontes; 12. Doug Goodman; 13. Ragnor Stefansson; 17. Kurt Sofka. Hvað er með þessa stafsetningu í ameríkuhreppi. Er kennslan í skólum alveg gaga? ( segi bara svona )

TIL hamingju með árangurinn Raggi.