ÍSÍ sendi um daginn frá sér upplýsingar um breytingar á tryggingamálum er varða aðildarfélög þess, þ.á.m. VÍK. Þar sem VÍK er aðildarfélag ÍSÍ njóta félagsmenn þess, meðan á æfingum stendur – til undirbúnings eða vegna keppni í íþróttagreininni – eru ELDRI en 16 ára og undir leiðsögn þjálfara – sem áhugamenn (án launa) og EKKI sérstök æfing fyrir 30 ára og eldri („Old boys“ æfingar) – þeirra slysatrygginga sem kveðið er á um í lögum. Tryggingarnar taka þátt í læknis- og sjúkraþjálfunarkostnaði ásamt tekjumissi ef veikindi valda a.m.k. 10 daga vinnutapi. Ríkissjóður úthlutar ákveðnu fjármagni til bóta ár hvert sem ÍSÍ greiðir úr, svo langt sem það dugar út árið.
Allir hjólamenn eru eindregið hvattir til að lesa þessa tilkynningu – spjaldanna á milli. Stjórn VÍK
Bls1
Bls2,
Bls3,
Bls4
Orðsending frá Reykjanesi
Fyrir tæplega viku síðan fékk vefurinn neðangreinda orðsendingu. Flæktist hún á milli bréfa (týndist) og biðst vefurinn afsökunar á þeirri töf sem varð á birtingunni.
Sælir félagar! Áríðandi fundarboð vegna stofnunar VÍS, Vélhjólaíþróttafélags Suðurnesja. Þar sem til stendur að stofna félag hér á suðurnesjasvæðinu v/ brautarmála við Broadstreat óskum við eftir því við ykkur (félaga) sem skráðir eruð að fá tillögur um tímasetningu (Dagsetning og klukkan hvað) á fundinn. Staða mála er þannig, Við þurfum sem fyrst að ná saman í stjórn félagsins til að sýslumaður nái ekki að stinga málinu ofan í skúffu og læsa. Verðum tilbúnir í race næsta vor 2003! Vljum við til að sem flestir geti mætt, biðja ykkur um að senda okkur svar hið bráðasta til baka á e-mail: aronpastrana@motocross.com eða nikki@byko.is Svo ákveðum við hvað hentar bezt út frá því.
Aðalmál fundarins; Kosning stjórnar + formannskjör. Tillögur um breytingu brautar og aðstöðu vel þegnar. Félagsgjöld, umræða. Fleyri ákvarðanir teknar á fundi.
Áhugasamir um setu í stjórn eða sem formenn vinsamlegast skráið nafn, síma, e-mail og heimilisfang að neðan: ( ATH! Bezt væri ef einhver á suðurnesjum tæki að sér formannsstarfið ).
Vel heppnaður félagsfundur
AÍH/VÍH hélt félagsfund í gærkvöldi. Fundurinn var haldinn í litlum sal í kjallara Bókasafns Hafnarfjarðar. Hófst fundurinn stundvíslega klukkan 8, enda engin leið fyrir þá sem komu of seint að komast inn í húsið, þar sem inngangurinn var læstur klukkan 8. Um 30 manns voru mættir og eftir kynningu á stöðu félagsins gagnvart þeim málum sem eru í gangi og almennri umræðu um ísakstur hóf Jón Hafsteinn Magnússon frá JHM Sport „Tecno-Tips“ kynningu. Mætti hann með mikið magn af allskyns vörum og talaði um rétta / ranga notkun á þeim. Heppnaðist sú kynning virkilega vel, enda ætlaði salurinn aldrei að hætta að spyrja Jón. Til stóð að sýna vídeó en þar sem tíminn leið of hratt, reyndist ekki unnt að hnýta því við dagskrána. Fundi var slitið á slaginu 10.
Félagsfundir AÍH verða hér eftir haldnir fyrsta þriðjudag í hverjum mánuði kl. 20:00 til 22:00. Húsinu (Bókasafni Hafnarfjarðar) mun ávallt verða læst á slaginu kl. 20:00 þannig að þeir sem koma of seint, komast ekki inn.
Þema næsta fundar verður ísakstur. Stefnt verður að því að kynna sem flestar af þeim vörum sem tengjast ísakstri ásamt „Tecno-Tips“. Nánara fyrirkomulag verður auglýst síðar en allir eru ávallt velkomnir.
Fréttir að Norðan
„Hér hafa menn verið að keyra á ís á tjörninni við Skautahöllina. Mikill ís-áhugi hjá okkur. Verður jafnvel æfingarkeppni næsta laugardag, ef veður leyfir. Kristján Skjóldal, betur þekktur sem Dragsterökumaður og íslandsmeistari í Sandspyrnu, er búinn að selja draggann og kominn á 520 KTM og ný Trelleborg. Alinn upp á hjólum, enn aldrei keyrt á ís-dekkum áður. Alveg villtur á 520 hjólinu. Árni Grant fyrrum Torfærukappi og sleðameistari, er búinn að selja 2-stroke 550 KTM bombuna og kominn á 400 EXC KTM með „happytakka“ ( rafstarti.)Aldrei verið eins gaman og núna !! Gunni Hákonar WSA-Snocross maður og fyrrum sleðameistari, á 4-stroke 250 Yamaha hjólinu, keyrir á ísnum og stoppar bara til að tanka og sofa. Og Bóndinn á 450F Hondunni prjónar um allan ísinn með bros á vör. ( fraus víst brosið þegar hann prjónaði yfir sig.) Þegar byrjað að plana ferðir næsta sumar, og bara gaman. Mikil gróska á Dalvík þar sem Dalvíkurbær er að aðstoða strákana í að gera crossbraut, rétt utan bæjarins. Einnig uppgangur á Ólafsfirði og á Húsavík eru Birkir og félagar, búnir að fá lánað tún, og ætla að vera með braut í vetur á túninu, sem er flott fyrir nagladekkin. Hér hjá mér er boðið upp á kaffi og vínarbrauð, alltaf á miðvikudögum kl 09.3o Þar er farið yfir stöðuna og málin rædd. Baráttukveðjur…. Siggi B. / Motul.is“
Videokvöld / Félagsfundur AÍH
Fyrsti félagsfundur AÍH (Akstursíþróttafélag Hafnarfjarðar) verður haldinn annaðkvöld (þriðjudagskvöld) kl. 20 í nýja Bókasafni Hafnarfjarðar. Bókasafnið er við hliðina á Súfistanum, í gamla Íslandsbanka húsinu. Inngangur að húsinu lokar kl. 20 þannig að menn eru beðnir að mæta stundvíslega, annars komast þeir ekki inn. Stutt kynning verður á þessu nýja félagi og helstu málum sem eru í gangi ásamt vídeó en félagið var stofnað um daginn af VÍH, Mótorsport klúbbnum og Rallý cross klúbbnum. Kynning verður frá JHM Sport ásamt vídeó.
Fundargerð stjórnarfundar VÍK
Stjórnarfundur var hjá VÍK sl. sunnudag hér er fundargerðin
Lesa áfram Fundargerð stjórnarfundar VÍK