VÍH sendir frá sér þau tilmæli að menn aki ekki á ísnum á Hvaleyrarvatni um helgina heldur safnist allir saman upp á Leirtjörn. Verði þáttaka næg í þessari fyrstu íscross keppni ársins mun VÍH geta hafið uppbyggingu að lýsingu á vatninu. Mun vatnið þá vera upplýst á kvöldin en um leið verður bannað að aka á vatninu allar helgar og fyrir kl. 18 á virkum dögum.
Þátturinn Mótor á Skjá einum
Þátturinn Mótor á Skjá einum sem sýndur er á mánudagskvöldum klukkan 19:30 mun fjalla um þessa fyrstu íscross keppni ársins. Umsjónarmaður þáttarins tjáði vefnum að á þessari stundu (10:30) ætti hann eftir að panta tækjabúnaðinn fyrir laugardaginn 2 febrúar en taldi að a.m.k. ein vél mundi liggja á lausu, sérstaklega þar sem þetta er með viku fyrirvara.
Tralla-enduro í 6 klst.
Þar sem Kjartan Kjartansson (Tralli) er alvarlega að íhuga að standa að „Off road challange“ keppni í 6 klst hefur vefurinn ákveðið að setja nýtt vinnuheiti að svo stöddu á keppnina þar sem „Off Road Challange“ er heiti á þekktri keppni erlendis. Þar til annað kemur í ljós mun því þessi væntanlega 6 klst. langa keppni ganga undir heitinu „Tralla-enduro“ og hefur henni verið bætt við dagatalið hér til hliðar.
Stjórnarfundur VÍH
Þar sem félagshluti VÍH er ekki orðinn tilbúinn á vefsíðunni, birtist fundargerð síðasta stjórnarfundar hér, í ljósi þess að fyrsta keppni til Íslandsmeistara í íscrossi verður haldin um næstu helgi. Sjá fundargerð.
Ís – Ís – Ís
Nú er ekki spurning. Ísinn verður kominn fyrir helgi. Veðurstofan spáir yfir 5 stiga frosti framyfir helgi. Hvaleyrarvatn var orðið svo gott sem mannhelt í gærkveldi og má því gera ráð fyrir að vatnið verði orðið vel frosið á laugardaginn. Allt bendir því til þess að VÍH muni geta haldið fyrstu Íslandsmótskeppnina í íscrossi á Hvaleyrarvatni á þessu ári eftir tvær helgar. Nánari upplýsingar um skráningu og keppnisfyrirkomulag verða birt um helgina.
Off road challange!!!
Kjartan Kjartansson er að íhuga af alvöru að setja á fót Off Road Challange keppni 18 maí. Um yrði að ræða 6 klst keppni þar sem menn geta keppt einir sér eða tveir saman í liði. Svo virðist sem fátt geti komið í veg fyrir þetta framtak náist nægileg þáttaka. Á vef www.enduro.is hefur verið sett fram skoðanakönnun á áhuga keppanda og eru menn eindregið hvattir til að taka afstöðu. Búast má við frekari fréttum af þessum viðburði fljótlega en Kjartan hefur sagst ætla að taka afstöðu til keppninnar eftir 3-4 vikur, eftir að áhugi keppenda liggji fyrir. Farið því inn á www.enduro.is og takið afstöðu.