Sú var tíðin að menn tóku sig til í misgóðu veðri, hringdu sig saman og hjóluðu sér til gamans.
Eftir því sem keppnishald hefur þróast undanfarin ár hafa stöku menn tekið upp á því að halda sér í formi yfir verstu vetrarmánuðina og virtust flestir fá þetta erfiði borgað til baka þegar kom að keppnistímabilinu.
Nú er svo komið að flestir keppnismanna eru farnir að ástunda einhverja líkamsrækt, umfram hjólamennskuna og verður því erfiðara fyrir topp ökumennina að halda forskoti sínu. Vitað er til þess að Einar púki er búinn að vera í Vestmannaeyjum alla vikuna, einungis til að æfa sig í krossbrautinni. Því til viðbótar notar Steingrímur alltaf 1 klst. í hverju einasta hádegi til að hjóla í sandinum í Þorlákshöfn.
Eftir þennan lestur má búast við því að margir af topp keppendunum komi til með að draga eitthvað úr jólaundirbúningnum og endursemja áramótaheitin sín. Á einhverjum heimilum verður engin rjúpa eða jólasteik heldur einn einfaldur Myoplex.
Jólabónus??
Þórir Kristinsson sendi vefnum tvær myndir sem hægt er að nota með eftirfarandi orðsendinu:
Ég á dáldið af M-X myndum sem ég hef verið að gera. Hér eru tvær sem þú getur sett á netið sem “jólabónus” fyrir alla sem eru þreyttir á skammdeginu og hugsa um bjartari tíð. Fínt sem skjámyndir. Þakka góðan vef. (Þórir Kristinsson)
Supercross í London
Það væri ekki ónýtt að skella sér á supercross í London í mesta drunganum eftir áramót. En síðasta mótið í breska SX-inu fer fram Laugardaginn 12 janúar í London Arena höllinni. Það ku víst fljótlega vera hægt að nálgast miða á www.ticetmaster.com einnig má finna símann á www.londonarena.co.uk „twenty five pounds per ticket please“ Kíkið á www.uksuperx.com BB.
Bog Work ævintýri í Englandi
Steini Tótu sendi vefnum stutta lýsingu á ævintýri sínu um síðustu helgi.
Steini Tótu fór um helgina á “ Steve Bertrams memorial Bog Wash “ í norður Englandi. Innlendingar ákváðu að nú fengi Íslendingurinn að finna hvað “ Bollocks Bog Work“ væri. Bog work snýst aðallega um að bera hjólið sitt um endalausa mýri, upp úr festum ( upp að sæti ) o.s.frv. „Bog“ er sem sagt mýrarpyttur.
Steini hélt að „Wales Enduro“ Væri ca. toppurinn á drullu bullinu, en þetta var spes. Þegar hjólið var upp að eyrum, voru ennþá 200m eftir í land.
Sviti og innan blaut föt hafa fundið nýja merkingu.
Mæling á enduro galla er:
1) Ef þú ert tilbúinn að halda áfram eftir 3 festur þá er Gore Texið að virka.
2) Ef þú ert tilbúinn að halda áfram eftir 5 festur. ( Að lyfta hjóli úr mýri er aðallega spurning um hvort þú sért maður eða kona ) Þá er spurning hvort þetta sé gaman.
3) Ef þú meikar trjágöng með 50 drainage-um ( þverskurðir til vatnslosunar ) ca. 1/2km á einni gjöf, ertu orðinn enduro guð, og hinir fara að spá í hvaða græjur þú ert með. Trjágöng hafa þann skemmtilega eiginleika að hafa ekkert grip. Bara mosa og drullu.
Planið hjá Englendingum fór „Out the window“ á slóð sem kallast “ The Coarse Way“ Þar átti að sýna hver var undan hverjum og hlæja svolítið að aðkomumanninnum.
Túrinn breyttist í “ Disaster “ þegar útlendingurinn á KDXinu var sá eini sem komst í gegn og innlendir urðu að fara framhjá “ The hard bit “ Eingöngu til að villast af leið og týna útlendingnum, sem hélt áfram eftir kortinu og fann innfædda löngu síðar eftir myrkur, í þorpi þar sem allt var frosið. Mannskapurinn, Pöbbinn og hjólin.
Steini Tótu er að spá í hvort Disaster tours ( Þar sem ekkert virkar eftir plani ) gæti veri buisiness!
Bréf frá Vestmannaeyjum
Vefnum hefur borist bréf frá Vestmannaeyingum sem er birt hér.
Við Vestmannaeyingar erum „MJÖG“ ósáttir við drög að keppnisdagatali næsta árs, þar sem okkur er úthlutað bikarkeppni á aðal hjólaferðahelgi ársins. Þar sem við héldum íslandsmót í fyrra um hvítasunnuhelgina og nokkurrar óánægju gætti hjá keppendum vegna ferðaleysis Herjólfs og annríkis endúrókappa. Hér með óskum við eftir að keppnisdagatal Víkur verði endurskoðað, og við Vestmannaeyingar fáum úthlutað einni keppni í íslandsmótinu 2002, þar sem við teljum okkur hafa staðið vel að undirbúningi og keppnishaldi undanfarin ár. Við teljum að nauðsynlegt sé að fá eina umferð í íslandsmótinu til að stuðla að áframhaldandi uppbyggingu sportsins.
Fundum lyktina en ekki bragðið
Fyrir síðustu helgi lofaði ísinn góðu. Þeir alhörðustu voru mættir upp á vötnin kvöld eftir kvöld og farnir að ganga út á hratt frjósandi vötnin. Á fimmtudagskvöldið var kominn 7-10 cm þykkur ís á Hvaleyrarvatni og lofaði allt góðu en þá byrjaði að snjóa. Menn voru vel bjartsýnir og þeir sem gerðu sér ekki grein fyrir einangrunar-áhrifum snjósins enduðu á kafi í vatninu og mun Böggi á KTM200 seint gleyma því. Menn fundu þó ís á grunnri tjörn við Nesjavallaveginn, 7-10 sm þykkur ísinn en eftir 1 klst akstur var búið að spóla niður úr. Menn gátu þó leikið sér í nokkra klukkutíma.
Húsvíkingar eru víst með aðalgræjuna. Toyota pickup með snjótönn framaná. Þeir fara út á vatn sem heitir Botnsvatn og ryðja sér bara leið.
Nú er allur snjór að hverfa og spurning hvort hjólamenn verði bænheyrðir á næstu dögum og fái langan og góðan frostkafla.